[M!SS Lara]

المشاركة الأصلية كتبت بواسطة غريب عزيز الدور الأول الفيزيا 22 والرياضيات 17 والحاسب 33 من 35 والانقليزي كان ليفل ون مش محسوب جبت فيه 95

شوف اخوي عملت لك حسابات ..
ان شاء الله في امل كبير تدخل طب (إذا شديت حيلك مررره)


الفزياء الحين الفاينال من 40 صح ؟؟
حاول ماتنقص فيه اكثر من 4 درجات ، لانو لو نقصت فيه اكتر من 4 درجات حتجيب 69 وهذا حيخسف ابو جد المعدل :(

وانا انصحك بيوسف زويل ..


....

والحين عشان ترفع معدل النسبة الخاصة لتدخل في المفاضله ..
لازم تشد حيلك في الاحياء ، حاول تجيب فيه 93 اقل شئ وده الشئ ممكن ان شديت حيللللك ..


و الانجليزي مررره سهل : بس ادرس الفوكابلري وإفري داي انجلش والقرامر الي بأخر الكتاب ، وحتحل بسهوله صدقني ..
حاااول تجيب a+ لانجليزي ..

الكيمياءحيكون مره حلو لو جبت فيه a+ بس لو جبت a نمشيها ..

الحاسب ومهارات الاتصال مره كويس وجيب (فعل أمر) a+ لانو كل وحده منهم بـ 3 ساعات يعني بتأثر بالمعدل وتحسنه وترفعه,,

شد حيلك لانو درجاتك حلوه وانتبه تركز في ماده عن ماده تانية لانو بكده حتجيب درجات حلوه بالمواد الي ركزت فيها والي ماركزت فيها حتجيب اقل ..

وبالعكس الماده الي تحس انك ماتحبها وبتلاقي صعوبه فيها ، ركز عليها من قلبك

انا كمان اكررره الفزياء بس بأعطيها اهتمام اكتر من الماث عشاني بحبه ..

فإن شديت حيلك ومن قلبك ، اكيد حتدخل طب بإذن الله