[نسمة دافئة]

مساء الخيرات لكل اللي جايبين العيد في الأحياء

بنات وشباب..


احنا لازم نغير طريقة تفكيرنا حبتين يعني من يوم ماقالو إنو مافي تست بانك واحنا متمرمطين عند نزار احنا نرسل مسجات والأولاد رايحين جايين وما استفدنا ولا شي..

أنا أقول لو نتفق على نص معين نشرح فيه المشكلة ونقول إحنا اش نبغى بالزبط وننزلو في المنتدى هنا وكل قروب ليدر حق كل شعبة يطبعو ويخلي الشعبة كلها توقع عليه (في وقت المحاضرة)
والأوراق هادي تترسل لرئيس الجامعة مو لنزار..

والحركة دي مارح تعدي..
لأنو قالتلي استاذة رياضيات إنو في ترم من الأترام أسئلة الرياضيات في واحد من الدوريات جات زي السم ووحدة من الأمهات أرسلت برقية لرئيس الجامعة بتشتكي.. من تاني يوم كانت الشكوى هادي عند منسقة المادة والمدير بيطالبها بإنها تبرر اللي صار...
هادا كلو وهيا أم وحدة اللي اشتكت
فمابالكم لو كل اللي بياخدو أحياء وقعو
وبعدين دي الحكاية مافيه لاتعب ولاشي يعني مجرد توقيع ومحد رح يتضرر أكتر من الضرر اللي احنا متضررينو دحين....