[special1]

المشاركة الأصلية كتبت بواسطة the change فيه شيء ياجماعة ابا أقلكم اياه وحقوله هنا , لانو ما أفضل أنزل موضوع وأكتبه فيه , خلاص هنا وان شاء الله انو الكل مطلع عليه << أو يمكن يستوجب الامر إني انزل موضوع لحاله , ربما ذلك بنسبة كبيرة اللي ابا اقوله ياحبايبي إننا بدينا نتجاوز الحدود مع الدكتور نزار بمعنى : فيه مليون حل وحل غير إننا نفكر نأذيه او نسبه ونشتمه أو" نكسر سيارته " وهذا اللي سمعته اليوم من وحدة من الدكتورات يعني والله لاتعليق عللي سووه !! انا ماعندي كلام حاليا ومافي شيء في بالي غير اني اقول " الشيء اللي ماترضاه على نفسك لاترضاه على غيرك " أيا كان الوضع وأيا كانت الحالة حط نفسك مكانه , هل حترضاها على نفسك ؟! << جاوب لنفسك مهما كان ومهما سويت إنتا والله لايمكن ترضاها على نفسك ,, انو يوصل الموضوع انو يبدا احد ويفكر بأذيتك ولاتخريب أغراضك وممتلكاتك بهذا الشكل وبهذا التفكير الغريب أكرر : مليون طريقة ممكنة لحل الموضوع ومن جذوره , والله العظيم أكثر من حل لكن تبوا كل شيء جاهز + وبالقوة والمضاربة والتهديد والسب والشتم ! ما اعمم , لكن أكيد الكل لاحظ هذا الشيء وهذا التفكير من قبل البعض طيب سؤال : لو سبيته هل حتستفيد شيء ؟ لو كسرت سيارته استفدت شيء ؟ لو فكرت وخططت بأذيته سواء حاليا ولا بعد ماتخلص اختبارات ولا بعد ماتخلص خطة ب ولابعد ماتخلص التحضيري هل حتستفيد شيء ؟ جاوبوا لنفسكم , منجد كل واحد يسأل ويشوف إللي يبغا حل , يدور حل والحل اتفقتوا عليه لكن كان بشكل غير مرتب وعشوائي يعني قلتوا نعمل تجمع عند المطعم المركزي << أسألوا نفسكم ايش حيكون في هذا التجمع , حتتجمعوا وبعدين ؟ يعني لو اتجمعتوا حيغيروا الوضع ؟ طيب انتوا تبغوا الوضع ينحل "أي كلام" ولاتبغوه ينحل منجد ويفهمومنا ويفهموا ايش نبغا ؟ احنا نبغاهم يفهموا احنا ايش نبغا وايش مشكلتنا بالزبط وايش اللي المفروض يسووه وايش الحلول - يعني الحل يكون : طالب وطالبة ممثلين باسم الجميع يروحوا ويتكلموا , ولا واحد منهم يتكلم باسم الجميع , يروح للدكتور في مكتبه أو للدكتور أسامة ابو زنادة لانو البونس في الدوري الاول كان منه هوا , على حسب ماقلنا لكن الافضل الدكتور نزار لانه هو دكتور المادة ورئيس القسم لكن تجمع كبيييير ؟ , فكروا فيها : حيسمعوا مين ولامين من بين الطلاب والطالبات والعدد الهائل ؟ هذا غير الفوضى اللي حتكون حاصلة هذا لو حيسمعوا , لانو المكان , مادري يعني انتوا كان قصدكم تتجمعوا عند المركز وتخشوا عند الدكتور بعدها ولا كيف وحتى لو كذا حتدخلوا كلكم بالله ؟ مايجي ياجماعة يعني حيحصل زحمة وربكة ...الخ مافي فايدة تُجنى يعني انا بقول هذا الكلام عشان مصلحتنا + وعشان اللي ما ارضاه على نفسي اولا مارح أرضاه أبدا على غيري , واللي ما ارضاه على أبويا مارح أرضاه على الدكتور او على أي احد والدكتور زي أبونا وله تقديره واحترامه , كل واحد يسأل نفسه هل حيرضاها على أبوه ؟ والله لما سمعت انو الموضوع وصل لسيارة وعنف وربي حزنت عليه وحطيت أبويا في مكانه والله ما أرضاها لو ايش ,, لو ابويا عنده شيء مع الطلاب يجو ويتفاهموا معاه مو يكسروا سيارته ويأذوه !! طيب ايش ذنبي انا يحصل شيء لابويا ,, عشان الطلاب موعارفين يتفاهموا معاه ؟؟! .................................... شيء أخر في بالي وابا اقوله : أحس الاندفاع كبير من الطلاب يعني لو سبيتوا الدكتور وهددتوه عن طريق النت , علباكم انو حيسهل الاسئلة وينفذ اللي تبغوه ؟! نفسسسس الشيء حط نفسك مكانه , ويجيك واحد ويحسسك انو "بالقوة بالقوة" بيحصل عللي يبغاه , ولو مانفذتله اللي يبغاله حيبدأ باعماله واللي يبغا يسويه بالله حتنفذ اللي يبغاه ؟؟ كـــــل واحد يجاوب عن نفسي : اكون رئيسة قسم وبروفسوره ودكتورة وليا سنين ولمجرد شيء حصل ويجوا طلااااب واعداد هائلة تسب فيا وامام الجميع وتهدد وتكسر سيارتي , ما رح أنفذلهم اللي يبغوه او أسوي اللي يبغوه اوك , وأتفهم وضعهم وتصرفهم , لكن مح تكون علاقتي طيبة معاهم , وحيكون فيه سد بيني وبينهم , وحفضل غيرهم عليهم ليش ؟ لاننا بشر والواحد يزعل لما يشوف نفسه في هذه المواقف وقدام العالم والناس يسبوا فيه , وفي البي بي وكل الاماكن , ماصارت ياهو ترا مو حل ورب الكعبة مو حل ولا هو أسلوب ولا من ديننا !! والبعض على نفس الاسلوب هذا من بعد الاختبار الاول , هل لاحظتوا اختلف الوضع ؟؟ اللي اختلف احنا : في إننا شدينا حيلنا وما عتمدنا على التريننق زي في الاختبار الاول , اما الكلام والسب والتهديد ماجاب نتيجة , صح ولا لا ؟ الاغلب ذاكر السلايدات والبعض ذاكر سلايدات وتريننق , انا أسئلتي جات من سلايدات وتريننق وكم سؤال يعتمد على فهمنا للمنهج , يعني الي ماشي في المادة اول باول ومعطيها اهتمامها حيعرف يحل ... هذا اللي لاحظته يعني مو أي احد حميشي فيها إللي فاهم مزبوووط حيعرف , وهذا مبدأ الدكتور ومبدأ الجميع اكيد : انو مو الكل زي بعض واللي ذاكر وشاد حيله مو زي اللي جاي يحفظ ليلة الاختبار وعلـ السريع , لازم يبان الطالب المذاكر والفاهم من غير الفاهم , عشان مايتساوى المجتهد واللي تعبان وشاد حيله مع اللي سايب المادة ومابيذاكرها , فهمتوا الفكرة ؟ نقطة أخرى : فيه نماذج على حسب ما سئلت وحدة من البنات اليوم , نموذجها كان c تقلي أسئلة غريبة احتمال يكون فيه غلط في نفس السؤال , يعني سؤال مايرتبط بالاجابات .. سؤال غريب يعني , وتقول فيه سؤال ثاني زيه , جاي بلفة ومو مفهوم يعني هنا الحمد لله اتحددت المشكلة , والمشكلة تنحل والحق كلوووو معاك : تكلم الدكتور وجها لوجه او تكلمه جوال وتقله على السؤال والاختيارات وتقله انو السؤال غريب ويمكن فيه خطأ وماله حل , وإنك تتمنى انو ينظر في الموضوع لانو من حقك هذا الشيء وانتا ذاكرت وعملت اللي عليك لكن السؤال "الفلاني" فيه خطأ أو غير واضح او من خارج السلايدات أو المنهج أو اي شيء أنا أتحدى إذا ماحل المشكلة , لانو بديهي من حقنا لو منجد كان السؤال تحت هذه الاحتمالات , احنا مالنا ذنب فلو فيه مشكلة او خطأ يحلوه من عندهم يعني فيه طرق للحل مقدرة زعلكم وتعبكم في المذاكرة صراحة ما اعرف ايش الاسئلة اللي جات , نموذجي كان كلو من السلايدات وكم سؤال من التريننق وفيه سؤال يعتمد على فهمك إنتا للمنهج والمحاضرت لو فاهم حتحل لو مو فاهم كيف حتحل ؟ النماذج الباقية والله مادري غير عن نموذج c وصحبتي متأكدة انو فيه أسئلة غريبة فيه , فهذا من حقكم ومحد حيزعل او يقلكم شيء لو اتكلمتوا لانو شيء بديهي , لكن مو بتجمع كبير او سب وشتم وتهديد , هذا اللي ماينفع ولا يجيب نتيجة أبدا آسفة على الاطالة , والكلام غير مرتب وكثير كلام في بالي والافكار كثيرة هذا اللي حبيت بس اقوله وأعلق عليه لاننا في النهاية مصلحتنا وحدة ومصيرنا واحد , نفس الاسئلة نفس الدكتور ونفس المصير فلو نبغا حل لازم نجيب حل مفيد منجد ومن دون انفعالات احنا في الاختبار الاول بعد ماكلمنا الدكتور وقلناله عن السلايدات وانها كثيرة وما إلى ذلك , قال خلاص ذاكروا من التريننق وجاتنا أسئلة من خارج التريننق , فاتكلمنا والحمد لله ادونا البونس << واللي صحيح ماكان موحد بين الجميع لكن فيه بونس , ومسألة كم البونس وهل موحد او لا لسا ماتكلمنا ولا فاتحناهم في الموضوع وأحس الكل ساكت عن الموضوع هذا يعني من الاخير اي شيء له حل , وينحل باذن الله - فكرة جات على بالي : الان وحالا كل واحد جاته (أسئلة غريبة او صعبة او فيها خطأ او مو من المنهج) يجي ويكتبه هنا , يعني أقصد في موضوع خاص وحيطلع عليه الدكتور والجميع ان شاء الله , لو فيه شيء منجد فحيتغير الوضع ولو الاسئلة موجودة لكننا ماذاكرناها ولا اهملناها فهذا من عندنا مو خطأهم يعني + و الاسئلة اللي جات بلفة انا مادري كيف هيا يعني يقولوا انها من المنهج لكن بلفة , فنبغا الكل يكتب أسئلته ونشوف ايش فيه بالزبط عشان نحددلهم المشكلة بالزبط ايش هيا وينحل الموضوع من صميمه << من صميمه كلمة جديدة هههههه ياليت تتفاعلوا , الان جا وقت الحل , يصير نحدد المشكلة من أساسها ومن خلال اختبارنا اللي اختبرناه مؤخرا . . . حنين الله يعطيكي العافية يارب تقدري تتطلعي على النقاط اللي ان شاء الله الطلاب والطالبات حيكتبوها ويصير توصليها لهم كذا تكوني حليتي الموضوع منجد , وبدون لاتجمعات ولا اعداد كبيرة ولا غيره الله يوفقنا ياااارب ويارب كلنا علامات عالية

صراآحة كلاآمك مو كلوو صح
ترى انا ما قرأت غير نص الجريدة خخخخخخ
الموهيييييم
هياآ نقطة وحدة بقوللك هياآ
احناآ ما تسببناآ للدكتور نزآار بأي اذى غير لماآ بدا هوا
والدليل اننا ماآ عملناآ كده في باآقي المواآد مع باآقي الدكاآترة!!!!
وبعديين
هل ابووكي يرضى عليكي انو تضييع درجاآتك ويضييع مستقبلك وتنهاآري وتزاآكري بدوون فاآيدة !!!!
لاآ تحطي مكاآن ابووكي ولا تحطي نفسسك مكاآن بنتوو
لانو محاآ يرضاآها على بناآتو واولادو ورضيها علينا!!!
ماآ عندي كلام غيير كده وكل واآحد ورأيوو
بس صراآحة ماآ احب احس واحن على ناآس مايحسسوا ولا يحنواآ على طلاآبهم وطاآلباتهم ويحبوا يعقدووهم
هاآدا اللي حاآصل
هياآ كلهاآ مسألة تصفية بناآت واولاآد الجاآمعة عشاآن يعقدووناآ