بصراحه ..
سارت لي نفس الحكايه
اني عملت مشروع و للأسف اللي طلبتو مني كانت استاذه ..
اخذت الاستاذه المشروع و نسبته لنفسها ..
و انا في الباي باي ..
..............
على العموم انت تعبت وما قصرت و ربي ما يضيع تعب احد ..
و حتشوف ربي حينصرك اذا ما كان في الدنيا ففي الاخره ..
..........
بالنسبة للشعب اللي ناسخ الاكواد ...
كلمتين احب افكركم بيها
1-تحلو بالضمير ..
2-.." وما ربك بظلام للعبيد"..
................
اول شئ هما و ان اخذو الدرجه هما الخسرانين لانوو لابد و يجي يوم و يبانو انهم مو فاهمين شئ ..
على عكسك تماما حتبان انك انسان فاهم و حتاخذ اعلى الدرجات ان شاء الله في الكويزات و الاختبارات ..
..............
رساله للكل..
فكرة المنتدى مو اننا نغش من بعض ننقل اكواد بعض ...
فكرة المنتدى اننا نساعد بعض و نستفيد ..
ما انكر اني كذا مرره اطلب المساعده سواء في فهم مسأله او واجب او اي شئ ...
لكن احب افهم و ابني حلي بناءً على فهمي انا ...
مستحيل انقل كوود كوبي بيست ...
افهم المطلوب من الكود و اذا كان في تريك بالكود ...
بعد كذا اكتب كودي بنفسي ...
لان لو نقلت حاخذ درجه الواجب اللي تشكل فقط 5% لكن انا حخسر درجه الكويزات و الاختبارات اللي هيا حتاخد اضعاف اضعاف درجه الواجب ..
و هذا طبعا اقل تفكير الشخص يفكرو بعيد عن الاخلاقيات و السلوكيات ...
..............
في النهايه ما اعرف ايش اقوول بس بجد بجد انا مرااااا مقهورة ..><
لاني عارفه انو احساس جداً مؤلم ..
لكن خلي ثقتك بربك اكبر من ثقتك باي شخص و حتشوف كيف تتعدل الامور ..
.
.
.
ما اعرف ايش كتبت و نفسي اكتب كمان بس شئ ينرفز
|
الله يعوضك يا أختي خير إن شاء الله ،،
وبالنسبة للطلاب إلي نسخوا الأكواد ما فكروا بإلي قلتيه ولا راح يفكروا لأنهم ببساطة فكروا في أنفسهم واهتموا بالدرجات على المرتبة الاولى ولم يفكروا في غيرهم
الله يسامحهم بس ويسهل الواجبات القادمة ونجيب درجات فيها