انتي كدا كأنيك تقوليلنا عيدو السنة و شدو حيلكم ... وتراكي بالعكس حطمتيني !!!
|
يا الله من جد انتي فهمتي كده؟؟
انا مو قصدي كده ياعسل انا بقول لا تتنازلز عن احلامكم حتى لو اضطريتو تعيدوا السنة المهم لا تتنازلوا عن احلامكم ترا الدراسة مرة في العمر والمستقبل واحد بس وبعدين لازم الواحد يتعلم من اخطاء غيره وانا احد التجارب دي انا اتسرعت لمن عدت السنة وابغى اقولك كمان يا عسل اني العام حصلتلي ظروف كتير كانت تجبرني اني اسحب لكن انا ربي عوضني خير وماسحبت ولكل مجتهد نصيب ومن جد لا تخافو طبيعي جدا اننا في البداية نتعثر لكن الشاطر الي يوقف مو الي يستسلم والله مافي شي سهل في الحياة بس كله بالاجتهاد ويمكن انتو مو مصدقين انه التحضيري اسهل سنة في الجامعة بس إن شاء الله لمن تتخصصوا هتصدقوا كلامي اهم شي بلاش اليأس