رد: ابي مساعدتكم يــــــــــــــــــــــــاخطه أ ................"
الثقافه الاسلاميه ...
جانا اغلب المنهج من القسم التالت..عن العبادات و انواعها و خصائصها..ركزي على القسم التالت..
وخاصة العبادات التركيه و الفعليه و القلبيه..الخ راح يجبو لك مثال وانتي تقولي من اي انواع العباده..
وركزي في بداية المنهج..الثقافه و مفهومها..
العربي
50 سؤال اغلب الاسئله كانت عن نائب الفاعل و المفعول به ..الاغلبيه جات عن دا الشي..
المجرد و المزيد ماجانا و الاعداد ماجانا غير ألفاظ العقود و الاستاذه ركزت علي في محاضراتها..
والباب الاول و الاخير ماجانا شي منو اقصد اللي قالو قراءه..
حاسب..
انا قريت الكتاب قراء بفهم..والحمدالله حليت..
راح يجيكي 50 سؤال صح و خطأ و اختيارات..
ركزي كتيرر على الصور اللي في الكتاب زي الايقونات.. وجات لنا صورة الايميل و اسئله عليه..
زي عدد الرسائل التي تم توجيهها..و الرسايل في صندوق الوارد ..
و ركزي على الجداول راح يجبو لك صوره و يسألو عن نوع الجدول المرسوم,,, واسئله على الجدول..
انتي اهم شي ركزززي كتيرررر ع الصور اللي في الكتاب و الايقونات اللي حطيتها في المرفقات...
وراح تحصلي المهم واللي 3 ارباع الاسئلة جات منو في المرفقات لــ wow girl ربي يوفقهااا..
الانجليزي .
جاتنا قطع من بره الكتاب بس تتكلم عن نفس مواضيع الكتاب..
والافكار الرئيسيه و الضماير جانا من بره الكتاب تطلعيها من القطعه نفسها..
يعني في كتاب القراء بس احفظي الكلمات وافهمي معانيها..والكلمات وعكسها ..
لاتتعبي نفسك في الافكار الرئيسيه و الضماير لانو ماجانا منو شي ..بس الله اعلم انتو يجيكم و الا لا..
ركزي على الجرامر..و ذاكري من شرح الاستاذ خالد..
اسئلة الاختبار كانت..قطعتين ..جرامر..الكلمات و معانيها و الكلمه وعكسها...
الرياضيات..
اغلب الاسئله عن معادلات الخط المستقيم..و عن تبيسط الكسور و جانا عن الدوال كتيرر..
يجبو لك مسأله و يقولو اي نوع من الدوال .. وكمان جانتا رسمه بيانيه و يكتبو لك مسأله و انتي تحددي الرسمه..
التحليل الكمي..
من جد ناسيه بس اللي راح يجيكي مسائل و انتي اختاري الاجابه الصحيحه..
ياليتني حافظه الاسئله بــ النص لو حافظتها كان نزلتها سامحيني بس مره ماني فاكره الاسئله..
حطيت اللي اغلب الاسئله ركزت علي..
|