^
ايوة ياأستاذة ياريت تعطينا لو نموذج عشان يساعدنا , لإنو كدة مرة حايسين مع التقرير والله
.................................
وسؤالي الثاني دحين نفترض اني طبقت الإختبارت بالمستشفى على الحالة وخلصت , بالنسبة للتقريرين العربي والإنجليزي حكتبهم بالبيت ولا بنفس مكان التدريب بالمستشفى يعني ؟
بالبيت
_ وياريت لو تقدري تكتبيلنا السؤالين رقم 79 و 80 اللي في أسئلة آيزنك اللي بنسألها للمفحوص لإنو ممسوحة عندنا في الملزمة مو باينة ؟
مرفق الاختبار
آخر سؤال / بالنسبة لإختبار آيزنك
بعد تصحيح الأسئلة أمشي على أي جدول لإنو في جدولين واحد فيهم اللي حطيتيه في الموضوع , والجدول الثاني كتبته من صحبتي
اللي يقول انو
الذهانية / مرتفع / 12 وما فوق ,, منخفض 12 ومادون
الإنبساطية / مرتفع /10 ومافوق ,, المنخفض / 9 ومادون
العصابية / مرتفع /12 ومافوق ,, المنخفض /11 ومافوق
الكذب / مرتفع / 12 ومافوق ,, المنخفض / 11 ومادون
لما طبقت على أختي الجدول الأول كل شي تقريبا عطاني انو هيه في المتوسط ,
اما الجدول الثاني اللي كتبته انا دحين حسيت انو أدق لإنو ببعد يطلع انو منخفض وبعد آخر مرتفع وهكذا
يعني كل جدول يختلف عن الثاني حتى في النتائج كل جدول يعطيني نتيجة , على أي واحد أمشي ؟؟
بعدين ياأستاذة في المظاهر السلوكية المميزة لأبعاد مقياس أيزنك الموجودة عندنا في الملزمة
مكتوب عندنا انو الإنبساطي بشكل عام يتميز بإيه بس مو موضح انو درجة منخفضة ولا مرتفعة ولا متوسط يعني بيتكلم بشكل عام , طيب انا كيف اقيم الشخص لو كانت درجته منخفضة أو مرتفعة أو في الوسط
ونفس الشي اتكلم عن الدرجة المرتفعة في العصابية بس ,, طيب لو كان منخفض أو وسط ايش أقول ؟؟
ونفس الشي الذهانية اتكلم عن الدرجة المرتفعة بس !!
يعني مافي توضيح لجميع المستويات منخفض / متوسط / مرتفع ؟؟!!
انا عشان طبقت الآيزنك على أختي وفكل الأبعاد على حسب الجدول اللي حطيتيه طبعا , طلعت متوسطة , فما عرفت كيف المفروض أقيمها ؟؟
الطريقتين في التفسير صحيحتين
استخدمي أيهما ترغبي به
التفسير من الجدول الأول يستخدم في التفسير فكرة هل الفرد ضمن المتوسط لمعظم الناس أو أقل أو أعلى
و بالتالي في تفسيره ستقولي بالنسبة لأختك:
يوجد لديها ميل متوسط للاصابة بالاضطرابات الذهانية
ميل متوسط للاصابة بالاضطرابات العصابية
و شخصيتها متوسطة بين الانبساط و الانطواء
و لديها ميل متوسط للظهور بمظهر جذاب اجتماعيا
أما في التفسير الثاني أي من الجدول الذي اخذتيه من زميلتك
فيمكنك من خلاله التعرف على السمات الموجودة لديها من خلال استخدام ورقة السمات السلوكية لاستخبار آيزنك الموجود في الملزمة
فو كان الانبساط مرتفع ستعتبر انبساطية
و لو كان منخفض ستكون انطوائية
و الذهانية المرتفعة ستكتبيها كما هي, و إذا كانت الذهانية منخفضة ستقومي بعكس كلام الذهانية فمثلا "شخص لا يهتم بمشاعر الآخرين" ستصبح "شخص يهتم بمشاعر الاخرين"
و العصابية نفس الأسلوب, لو كانت مرتفعة ستكتبي سمات العصابي, و لو كانت منخفضة ستعكسي الصفات بأسلوبك في التعبير
وعندي ملاحظة في الملزمة مااتكلم عن الكذب أبدا ؟!
ياريت توضحيلي اللي يحصل على درجة منخفضة أو متوسطة أو مرتفعة في الكذب كيف نقيمه ؟؟
بالنسبة للكذب, فهو يقيس ميل الشخص للتزييف من أجل الظهور بمظهر جذاب اجتماعيا
فلو كانت مرتفعة ستقولي أنه يوجد لديها ميل للتزييف من أجل الظهور بمظهر جذاب اجتماعيا
أما المنخفض فهو إنسان واضح و صريح
معليش ياأستاذة عارفة اني طولت عليكِ وكلامي كثير ,, بس والله حايسة أي جدول أستخدم وكيف أقيم وفي الملزمة مو مفصل مرتفع / منخفض / وسط
ومافي شي عن الكذب !!
ياريت تساعديني , والله يجزاكِ ألف خير ولا يحرمك الأجر والثواب يارب , والله حدعيلك من قلبي ياغالية ...