[the change]

المشاركة الأصلية كتبت بواسطة طموحها طب طيب ي عسسل ااشرحيللي مبدا باولي للاستبعاد ؟؟ وكمان قاعدة هند ؟؟؟ انا فاهمتها من الثانوي لككن احس اني لخبطت كل شي من استااذتي الله المستعان ببس

شوفي ياعسل : انا مع جميلة الاحمري أو الاحمدي

المهم هذا ملخص اللي فهمته منها , وإللي انا ذاكرت على أساسه فقط

باولي : انو إذا كان فيه الكترونين في الغرفة , فلازم تكون مزدوجة

الغرفة << اللي هيا المربعات اللي بوزع فيها الالكترونات

لو ماكانت مزدوجة فهذا يعني إنها مابتتبع مبدأ او قانون باولي

مثلا يديكي الكترونين في الغرفة لكنهم بنفس الاتجاه (كلهم على فوق او كلهم على تحت ) فطبعا هذه خاطئة وماتتبع مبدأ باولي

- عندك مثال وتدريب عليه في الشباتر , إذا نفس الشباتر موحدة عندنا , فحتلاقي سؤال ويقلك أيت وحدة فيهم مابتتبع مبدأ باولي , حتلاحظي انو أي وحدة ماعملها مزدوجة فهيا ماتتبعه .


قاعدة هوند : انو بتترتب الالكترونات بالترتيب في نفس الاتجاه , مادري كيف اوضح لك اياها لكن ان شاء الله انك حتفهميني

انو ارتبها اول شيء باتجاه واحد ((السهم على فوق مثلا) وبعدين ارجع من جديد واعمل أسهم اتجاه أسفل)

هذا لو كنت ابغا اعمل توزيع للاكترونات مثلا عندي 4 الكترونات وابغا اوزعها في 3 غرف

فححط في كل غرفة (او مربع يعني) الكترون واحد (اتجاه السهم على فوق) فحيصير في كل غرفة الكترون , بقيلي الكترون واحد وتصير 4 فأدخل سهم باتجاه اسفل في اي غرفة = فحيصير مجموع الالكترونات 4

-عندك سؤال وتطبيق عليه في الشابتر برضو

نفس السؤال السابق : يقلك اي من التالي مابيتبع قانون هوند

فحتختاري اللي مو مرتبلي فيها الالكترونات واتجاهها

يعني اللي تلاقيها الكترونين مع بعض في نفس الغرفة وبنفس الاتجاه (مثلا كلها على تحت او كلها على فوق ) فهذا خطا ومايتبع قانون هوند

لازم ارتبها كلها بنفس الاتجاه , والباقي ادخلها باتجاه معاكس , على حسب عدد الالكترونات اللي عندي او المطلوبة في السؤال