رد: الرايتنق / كيف اجتازه ؟ ( درجة النجاح فقط )
حياك الله اخي الالماسي
خل املك بالله كبير زملائك وزميلاتك ماقصروا نصحوك بالمفيد
وقول الحمدلله ان الاختبار يكون عندكم فقط 30 او 40 درجه على الايسي والبقيه اسئله في يدك حلها ان اجتهدت وذاكرت من الكتاب
والمقال ان كنت تدربي على اساسيات كل نوع وعندك حصيله كلمات جيده باذن بتكتب عن الموضوع بكل سهوله لو على الاقل تاخذ نص الدرجه
لكن انت اجتهد ولا تقصر في حق الماده وربي ماراح يضيع تعبك إن شاء الله
سكرة هانم
عندي سؤالين و اتمنى الاجابة الشافية
1- الاخطاء الاملائية كيف؟ يركزو عليها والا يمشو؟
كم مره سمعت انهم يتغاضو عنها و يركزو على قواعد كتابة البراقراف او الاساي.
في تقسيم معين يمشوا عليه الاستاذات في توزيع الدرجات يشمل كل شي في كتابتك
منها درجات خاصه بهيكل وشكل المقال نفسه
والافكار وترابطها
والقرامر وتركيب الجمل
السبيلينق
المفردات
يعني كل شي محسوب
حسب مااذكر كل غلطه في القرامر بنص درجه وكل غلطه في السبيلينق بربع درجه الا لو كانت في فعل وتصريفه تكون نص درجه على مااظن
وايضا كل كلمه تكرريها اكثر من مره يكون في امكانك وضع مفرده ثانيه بدلها تنقصي ربع او نص
يعني اكبر الدرجات تكون عالمحتوى نفسه وتركيب الايسي
2- انا مره ضعيفة في الكتابة و عندي اخطاء املائية الا الليل, وش النصائح المجربة لتحسين القدرة على الكتابة
اهم شي تكون النصائح مجربة يا جماعة ابغى خبرتكم تكفون
و اسفة ع الاطالة
الاخطاء في السبيلينق الكل تقريبا يقع فيها
لكن الحل براي حسب تجربتي انا
التكرار
يعني الكلمات الي تعرفي نفسك تغلطي فيها دايم
انسخيها كثير لغايه ماتصمي التهجئة تبعها
موفقين وربي ييسر لكم كل عسير
|