[مليييت]

^
ايوة ياأستاذة ياريت تعطينا لو نموذج عشان يساعدنا , لإنو كدة مرة حايسين مع التقرير والله
.................................
لو سمحتي أبغى أسألك ايش هوا اختبارالمفردات ؟؟؟
عبارة عن ايش لإني في الملزمة شفت كل الإختبارات وأمثلة عليها الا المفردات مكتوب من ضمن الإختبارات اللفظية بس ماشفت مثال عليه , وينه غريبة ؟! ومو عارفة هوا ايش ؟؟
يعني شفت المعلومات , الفهم ,اعادة الأرقام , المتشابهات , الحساب , رموز الأرقاام , الا المفردات مو لاقيته !
ممكن توضحيلي هوا ايش وفين ؟

وسؤالي الثاني دحين نفترض اني طبقت الإختبارت بالمستشفى على الحالة وخلصت , بالنسبة للتقريرين العربي والإنجليزي حكتبهم بالبيت ولا بنفس مكان التدريب بالمستشفى يعني ؟

_ وياريت لو تقدري تكتبيلنا السؤالين رقم 79 و 80 اللي في أسئلة آيزنك اللي بنسألها للمفحوص لإنو ممسوحة عندنا في الملزمة مو باينة ؟

آخر سؤال / بالنسبة لإختبار آيزنك
بعد تصحيح الأسئلة أمشي على أي جدول لإنو في جدولين واحد فيهم اللي حطيتيه في الموضوع , والجدول الثاني كتبته من صحبتي
اللي يقول انو
الذهانية / مرتفع / 12 وما فوق ,, منخفض 12 ومادون
الإنبساطية / مرتفع /10 ومافوق ,, المنخفض / 9 ومادون
العصابية / مرتفع /12 ومافوق ,, المنخفض /11 ومافوق
الكذب / مرتفع / 12 ومافوق ,, المنخفض / 11 ومادون

لما طبقت على أختي الجدول الأول كل شي تقريبا عطاني انو هيه في المتوسط , اما الجدول الثاني اللي كتبته انا دحين حسيت انو أدق لإنو ببعد يطلع انو منخفض وبعد آخر مرتفع وهكذا
يعني كل جدول يختلف عن الثاني حتى في النتائج كل جدول يعطيني نتيجة , على أي واحد أمشي ؟؟

بعدين ياأستاذة في المظاهر السلوكية المميزة لأبعاد مقياس أيزنك الموجودة عندنا في الملزمة
مكتوب عندنا انو الإنبساطي بشكل عام يتميز بإيه بس مو موضح انو درجة منخفضة ولا مرتفعة ولا متوسط يعني بيتكلم بشكل عام , طيب انا كيف اقيم الشخص لو كانت درجته منخفضة أو مرتفعة أو في الوسط
ونفس الشي اتكلم عن الدرجة المرتفعة في العصابية بس ,, طيب لو كان منخفض أو وسط ايش أقول ؟؟
ونفس الشي الذهانية اتكلم عن الدرجة المرتفعة بس !!
يعني مافي توضيح لجميع المستويات منخفض / متوسط / مرتفع ؟؟!!
انا عشان طبقت الآيزنك على أختي وفكل الأبعاد على حسب الجدول اللي حطيتيه طبعا , طلعت متوسطة , فما عرفت كيف المفروض أقيمها ؟؟

وعندي ملاحظة في الملزمة مااتكلم عن الكذب أبدا ؟!
ياريت توضحيلي اللي يحصل على درجة منخفضة أو متوسطة أو مرتفعة في الكذب كيف نقيمه ؟؟

معليش ياأستاذة عارفة اني طولت عليكِ وكلامي كثير ,, بس والله حايسة أي جدول أستخدم وكيف أقيم وفي الملزمة مو مفصل مرتفع / منخفض / وسط
ومافي شي عن الكذب !!
ياريت تساعديني , والله يجزاكِ ألف خير ولا يحرمك الأجر والثواب يارب , والله حدعيلك من قلبي ياغالية ...