[بيلف]

من خلال بحثي

بعد العيد يبدا التقديم في الكويت على المعلمات

واللي مو مصدقته ان اكثر الاقسام عندهم طلب الدراسات و العربي والرياضيات

بس عموما يعني كل سنه يطلبو اعداد ولا يطالعو لا للتقدير ولا المعدل

اهم شي ما يكون تقديرك مقبول بس الباقي يقولو اوكي

وترى المعلمين بعد

يقبلون بالنسبه السكن يكون في المنطقه الشرقيه في الخفجي

المسافه بين الخفجي واقرب محافظه بالكويت الزور 30 كيلو والفحيحيل 60 كيلو والعاصمه الكويت تقريبا تبعد اقل من 120 ...............يعني قريب ومريح

يعني فيحدود 40 الى 60 دقيقه

بصراحه هالمسافات ازين من عندنا يدقون 300 كيلو و اكثر


وهنا بأستخدام قوقل أضغطو على الرابط تشوفو الخريطه

http://maps.google.com.sa/maps?hl=ar...-8&sa=n&tab=wl

الهدف من التجمع نساعد بعض ونجمع معلومات


وهنا رد اقتيسته لمعلمه سعوديه بالكويت

انا اسفه .. لاني ما ارد على بريدك .. لأني ما فضيت افتحه .. ولكن بقولك .. بعد ماتمتحني تطلع النتيجه في اليوم التالي مباشره .. بعدها بفتره يتصلون عليك عشان الفحص الطبي وتوقيع العقد .. في نوعين من العقود ..للكويتيين وغير الكويتيين .. انا وقعت على نفس العقد حق الكويتيين ومن غير مده محدده .. يعني حالك حال الكويتيه .. فهمتي؟؟ اما عن الاجراءات المطلوبه تصديق الشهاده من الخارجيه السعوديه والاداره العامه للكليات .. تصديقها من الملحقيه الثقافيه في الكويت .. حسن سيره من السفاره السعوديه بالكويت حسن سيره من البحث الجنائي في الكويت بطاقه مدنيه كويتيه للسعودييين تطلعينها بسهوله الفحص الطبي نموذج فتح حساب بنك بالنسبه للاجراءات تسوينها خلال اسبوعين متواصله بالنسبه للطلعه من البيت انا يجيني الباص الصبح الساعه6إلا ربع والرجعه الساعه 3 اكون في البيت بالنسبه للراتب 500 درهم اساسي و50 زياده جديده تنزل كل شهر و50 بدل طريق و50 على الانشطه اللي تسوينها بالمدرسه من نشرات .. اذاعه ......... اما عن عدد الحصص عندي 12حصه في الاسبوع والوضع مريح والحمد لله ونصيحتي لك قدمي واني مغمضه .. والله يوفقك

طبعا الراتب هالحين 9500 ريال + سنوي زياده 500 ريال + البدلات مدري هنا بصراحه


اللي يستفيد يدعيلي