رد: وظائف للمعيدين والمعيدات-والمحاضرين والمحاضرات بكلية العلوم والاداب بخليص
لا حول ولاقوة الابالله العلي العظيم
وربي مو اسلوب دا يرمو الملفات كدا ..
برضو تظل الملفات امانة عندهم والمفروض مايرموها بدا الشكل
فيها هويات وفيها شهادات ><
والله مرة متغاظة منهم
طيب هما لو كان فيهم تطور شوية وخلو التقديم الكتروني وماكان الواحد يشيل هم الروحة ..
مو كدا يعني بالله عشان مو انتي جيتي بنفسك رموها
وربي كل شوية تطلعو سبب لرمي الملفات اخس من السبب اللي قبلو ..
يعني ايش فيها لو احد قدم اوراقك ..ايش فيها لو احد ساعد غيره ,, اللي عندهم ظروف مايقدرو يروحو
معليش لو انها مثلا اكمال اجراءات التعيين او الاختبار او المقابلة ,, ايوا لازم تجي بنفسك
لكن بس تقديم الاوراق ... وبعضهم زي اخت همة .. تقول ماعندها الا 3 نسخ من السجل الاكاديمي
بكل بساطة لو وحدة زي حالتها يرمو ملفها والبنت تعتبر اوراقها غالية جدا وهما يرموها كدا..
وربي نفسي اشتكي على اسلوبهم دا ><
نفسي نقدم شكوى انو الغلط منهم ما خلو التسجيل الكتروني <_<
والله كرهت الكلية دي ههههههههههههههههه استغفر الله واتوب اليه
الحمدلله على كل حال
يارب وفقنا وارزقنا يارب انت خير الرازقين
|