واتمنى يا اخوان اللي يبغى يرد علية يرد علية برد هادف يعني يشرح وجهة نظره او ينتقدني بأدب ولكن ما حقعد ارد ع كل واحد يقول لي لا تتابع كرتون ونشوف ايش حتسوي الترم الجاي ولا تتفلسف
اللي يبغى يقعد يتكلم زي الرجال ويناقش بأدب ياحياه الله واللي يبغى يقل أدبه او يفك غليله وغليل خيبته فية فمع نفسه :)
|
حبيبي فراس :)
الموضوع مو كده ولا ضغط و ما ادري ايش ولا اننا نبغى التست بانك و نحفظه و نطرشه و السلام عليكم
احنا اعتراضنا على الاسلوب نفسه :)
لأنه الدكتور نزار قال 120 سؤال منها 10 اسئلة
و قال انه راح ينزل 150 سؤال منها العشرين الباقية
و حتى الدكتور حقنا قلنا ايون صح ولا تشيلوا هم و زي كدا
و في اخر كم يوم يقول لا زاكروا من اكتر من 600 سؤال .. وعندنا اختبار احصاء قبله بيومين ^^"
انا زاكرت السلايدات و ختمتها و زاكرت كل الاسئلة الباقية الحمد لله لكن ..
الاسئلة اللي في التريننق 1 و 2 تقريبا 400 سؤال صعبة .. يعني لما تزاكر السلايدات و تبغى تحلها تفححححط لأن اسلوبها اكبر من مستوى تحضيري في الاحياء و حتى كلمات الانقليشي اللي فيها مستواها عالي على طلاب بعضهم لسه في المستوى الاول او الثاني او حتى الثالث او الرابع في الانقلش كورس
فصعب انك تجلس تلعب بأعصابهم طول الفترة دي و تطمنهم و كل شيء و في الاخير تعطيهم الكف القوي !!
و تعقيبا على كلامك لما قلت انه مو مضيعنا الا التست بانك فأنا اوافقك على هذي النقطة ..
لأن التست بانك ما بيطلع شباب فاهمين .. بيطلع شباب حافظين .. و الطب و الهندسة تحتاج فاهمين اكتر من حافظين :)
و في الاخير .. اشوف من حق الشباب المطالبة بتزويد الدرجات بس لسبب الاسلوب الغلط من الدكتور نزار رضوان واللي ضيع كتير من الشباب في الاحياء :)
و شكريااااا :")