رد: التحويل لعلاج طبيعي ؟ :(
ي بطتي هما قالولك وقعي تعهد ع عدم تحويلك من كلية التمريض..
لأن كل طالبـ/ـة في الجامعة لهـ/ـا الأحقية يحول/تحول مرة وحدة بس ^^..
أهم شيء حاولي ماتآخذي ساعات مررة كثير.. يعني لا تتعدي 60 ساعة :p..
لأن أنا درست تحضيري وسنة في علاج طبيعي.. وكان مجموع الساعات حقي 74 (رغم إنو مو ذنبي عدد الساعات.. لأن الجدول ينزل اجباري علينا كلنا.. مو إحنا اللي نزبطوو :p ) .. فمارضيوو يحولوني لحاسب ..
رغم انو معدلي ماشاء الله تبارك الله كويس ومرتفع وبالرااحة أنقبل في حاسب.. بس كان عذرهم إنو تجاوزت عدد ساعات التحويل اللي هيا 60 ساعة ^^..
بس الحمدلله قدرت أحول بطريقة ما :p..
وبالنسبة لعلاج طبيعي والإنقلش..
العلااااااااااج تخصص جميييل في الحياة.. ممكن في الترم الأول انو حيكون شيء جديد عليكي وحتشووفي مواد جديدة عليكي وبالانقلش .. حتكشي منوو.. بس انتي عيشيه بمتعة.. وصدقيني مع الأيام حتحسي بمتعة وانتي تدرسيه.. وحتتعلقي فيه جدن جدن.. :$
وأنا لغتي تحسنت كثيير بالعلاج الطبيعي ^^..
لأني كنت اترجم كل كلمة في المحاضرااات.. المهمة واللي مش مهمة.. عشاان أرتاح نفسيا لما أكون فاهمة كل كلمة ومعناها هههههههههههههههههههه
وصراحة دي الحركة فااادتني كثير.. لأن صارت عندي كلمااات غير المصطلحات حق المادة.. وصارت المحاضرة الواحدة بدل مااأترجم كل كلمة فيها.. صرت أترجم كم كلمة بس.. إلين الحمدلله مرت عليا محاضرات ماأترجم فيها شيء .. :p..
بس طبعن دا الشيء تسويه لما تقري كل محاضرة بيومتها أو كم محاضرة مع بعض.. بس أهم شيء ماتراكمييها للاختبارات ^^..
يعني ماتخافييش من اللغة بتاتا البتة :$
وزي ماقلتلك عيشي الشيء بمتعة وإنك حابة الشيء.. ولا يصير همك الدرجات.. :$
صح إنوو الدرجات مهمة.. لكن ممكن لما تخافي وتراكمي الخوف ع نفسك.. حيأثر في طريقة مذاكرتك وتركيزك مع الخوف.. :$ (اسألي مجرب وماتسأليش طبيب :p)
يمكن تقوولي ليش حولتي مدامو عاجبك لذي الدرجة وانو اكييد صعبة المواد ومن ذا الكلام :p..
حقوولك لو مش ظروفي كان استمريت فيه ^^.. بس الحمدلله ع كل حال :$
ربي يسهلك اللي فيه خيير ليكي :$
بالتوفيق :$
دمتـِ بخير^^..
|