[asma'a]

دحين كمان ص 61 فيها خطوات.. عشان نرجع الباينري لديسيمال..
والخطوات كالآتي..

1- يقولك حددي القيم حق المانتيسا.. والاكسبوننت.. والساين..

طبعن حتعدو من اليمين 23 خانة.. وحتخليها للمانتسيا.. وبعدها حتعدو 8 خانات وحتخلوها للاكسبوننت.. واخر خانة حتكون للاشارة..

2- يقلكم اذا خانة الاشارة موجود فيها صفر.. يعني حيكون العدد موجب.. وإذا موجود فيها 1.. يعني العدد سالب..
3- يقولك شووفي الـ shifter.. اللي هوا الـاكسبوننت..
اول احنا قلنا لما نحول الرقم لنظام الـ excess 127 .. كنا نجمع عالاس حقنا 127..
لكن دحين احنا نحتاج نحول الباينري لديسيمال.. ونطرح منوو 127.. عشان تطلع لنا قيمة الاس الأصلية..
4- نعمل دينورمالايز.. احنا اول لما عملنا نورماليزيشن.. كنا مخلين واحد قبل الفاصلة.. لكن مامثلناه في الخانات حقنا.. واخذنا بس المانتيسا (اللي بعد الفاصلة).. فلما نبا نرجع الشيء لأصلوو.. نحط الواحد اللي كان موجود قبل مانمثل الأرقام.. ونحط النقطة.. وننزل بعدها المانتيسا.. لين آخر واحد.. وبعدين الاصفار الباقية نحذفها لأننا ماحنحتاجها.. ولأن احنا قلنا الأصفار اللي ع يمين الجزء االكسري مالها أهمية :)..
5- بعد ماطلعنا الرقم حقنا في فقرة 4.. نحرك الفاصلة بمقدار الأس اللي طلعلنا في فقرة 3..
وبعدها نحولوو من باينري لديسمال..
6- نضيف الاشارة للرقم..

وبكذا انتوو رجعتوو كل شيء لأصلوو ^_^..

بررررررب :$