رد: ابغى نصيحتكم بتخصص الانقلش
وعليكم السلام ورحمة الله وبركاته
اهلا عزيزتي
الاخوه والاخوات ماقصروا وافادوكي
التخصص فيه السهل وفيه الصعب حاله حال بقيه التخصصات
وكل شي بالمذاكره والاجتهاد يسهل إن شاء الله
لكن لازم تتنبهي لشي مرره مهم
فالتخصص تعاملي على انك ملمه باللغه
يعني لاتتوقعي بدخولك للقسم راح تدرسي شي مثل التحضيري
او راح تتعلمي اللغه
ولازم تحاولي دائما انتي تطوري نفسك بنفسك في اللغه
وهذا شي مو صعب بس يحتاج منك مجهود
وطالما رغبتك في القسم قويه فإن شاء الله هذا الشي بيكون دافع قوي لك لتحمل اي مصاعب قد تواجهك
وعن امر التفوق في القسم طبعا ممكن ليه لا !
خاصه في مواد المستويات من5-8 لانها نادر ماتخرج عن المنهج
مواد المستويات 3-4 عند الطالبات تخرج عن المنهج بنسبه كبيره يعني تقدري تقولي كانها اختبار للغتك اكثر من انها اختبار لمدى فهمك او حفظك للمنهج وكل ماكنت لغتك ممتازه وعندك مخزون لغوي كبير كل ماكانت فرصتك للامتياز فيها كبيره
وعندنا قاعده مهمه تقريبا الاغلب يتبعها في الجامعه ككل
(اسالي عند الاستاذه قبل الماده)
فحاولي قدر الامكان اختيار موادك مع استاذات ينصح بهم ان توفر لك الخيار لان هالامر يساهم في تسهيل الماده عليك او العكس
واتمنى كلامي اعلاه مايخوفك قصدت منه فقط التوضيح لامور تجهلينها
اختك في الله مثلك داخله التخصص بخلفيتي الي اكتسبتها فقط في المتوسط والثانوي والحمدلله ماشيه في التخصص والله ييسر لي ماتبقى
ولا تنسي استخيري قبل اتخاذ قرارك النهائي
وربي يكتبلك الخير وين ماكان
|