[بتال القوس]

المشاركة الأصلية كتبت بواسطة نجوله>> اخوي بتال القوس والله يعجز لساني عن شكرك لكن والله اني ادعيلك قايمه قاعده من كل قلبي وحتى في صلاتي دعيتلك لان شرحك واضح مفهوم سهل حريص على كل صغيره وكبيره في الماده انا كنت حاذفتها خرعوني منها وماعندي سنترا لان استاذة الماده تشرح بدون عرض لكن لما شفت شرحك رجعت اضفتها والفضل لله ثم لموضوعك والحمدلله تم استيعاب الدرس الاول والثاني وحليت الجداول وعبيتها وطلعت صح من اول مره بس كنت الخبط بين المصروفات زي اجور العمال وشراء السيارات والاشياء هذي وكنت استغرب كيف ناخذها من البنك المفروض ناخذها من الصندوق اقصد اعبي خانة الصندوق مو البنك بس بعدين عرفت انك كاتب شيك يعني تم سحبها من البنك ومانضيف في الصندوق الا اذا وجدنا كلمة نقدا انا متابعه للاخر واليوم ان شاءالله اكمل الدرس الثالث واطبقه انا للحين ماقريت الموضوع للاخر بس حبيت اشكرك واقولك عمل كبير الله يجعله صدقه جاريه بميزان اعمالك

يعطيك العافية على الدعوة الطيبة التي تثلج الصدر ولا انتظر منكم الا الدعاء لي بالتوفيق الله يسعدكم دنيا واخرى ...

طيب ماحضرتي دورات تاهيلية للمادة ...
ولازم تعرفي مفردات المادة من الطالبات عشان تذاكري الي عليك ولا تذاكري شي ليس بالمفردات ...

المهم ركزي هنا وراح اضع لكم باذن الله حسب المستطاع مني للمادة وطالما بديتي تفهمي دفتر اليومية الباقي باذن الله سهل

واذا كنتي شاطرة في الرياضيات راح يكون درس قائمة الدخل سهل لك وباذن الله اشرحه شرح مفصل

دائماً اغلب الاسئلة تاتي من دفتر اليومية وقائمة الدخل ممكن 70% ..

والله يوفقنا لاساعدكم باذن الله وننتظر نجاحكم .