~~~~~~~~~~~~~
1- ماهي نقطة ضعفك؟
ممكن اتاثر من اي كلمة ...
الطيبة الزااااااااااااااايدة والمفروض هادي تكون في الاول
اسامح الجميييييييييع...>>لمن يجو يعتزرو طبعا
2- ماهي أصعب كلمة ممكن أن تقولها لأي شخص؟
زي مثلا
اكرهك
او ما اطيقك شي من كده
وطبعا ماعمري سويتها ولا حسويها لنو مو طبعي كده اللي اكرهو ابعد عنو ويادار مادخلت شر
3- ماهي مشكلة العصر في نظرك؟
زي ماقالو تقريبا التكنولوجيا وعدم استخدامها بالشكل السليم
واكيد في شي غيرو بس مافي شي في بالي حاليا
4- ماهو الشيء الذي يطاردك في كل مكان وأنت تهرب منة؟
الخوف من المستقبل والخوف من الوظيفة والخوف من شي بس ما ينفع اقولو مره 
5- هل تمنيت الموت يومآ! ومتى؟
ايوا... لمن امي جاتها الازمة الحساسية ووديناها الطواري وكانت حتروح من بين يدي 
6- ماهي الطريقة التي تعبر فيها عن غضبك؟
بعض الاحيان اكتم في قلبي واسكت مره ((وجاني القولون العصبي))
وبعض الحيان ازعق >>ما ازعق الا بعد فين وفين
بس لمن ازعق اخويا الصغير واختي يبكو ع طول ويتلخبطو ويتشعترو ومايعرفو يسوو شي 
او تعبيري يكون كمان ممممم
لمن امسك حاجه معينة واحطها في مكان معين يبان من طريقة الحطة والشيلة بارزعها رزعة مو طبيعية
ويكون تعبيري كمان من عيوني
يعني وقتها اللي يطالع في عيوني يفهم كلي شي
وحده مره طالعت في اختي بنظرة وكنت معصب ومازعقت ولا اتكلمت
شردت راحت لامي >>عرفت نفسها غلطانه
7- هل إسمك المستعار قريب من شخصيتك؟
مررررررررررررره قررررررررررررررررريب
وللاسف اني حساس زيادة عن اللزوم وطيييب زياااادة عن اللزوم
8- ماهو دافعك في الحياة؟
اني ارفع راس اهلي في السما 
واجيب البكالورويس واوصل اللين للدكتوراه بازن واحد احد
واخد احسن وظيفة
9- متى تكذب؟
انا ما اكدب الا بعد فييييييييين وفييييييين
ولو بدي اكدب اكدب في الحاجه اللي ممكن تسويلي مشكلة انا وغيري
واكتر الاحيان اسويها في حاجه معينة
انو لمن احد يسوي مشكلة وهوا اشوفو خايف زي ولد خالي مثلا او بنت خالتي وكده
اجيب المشكلة عليا واقلهم انا اللي سويتها وطبعا انا اللي اخد الزعيق وكلو
>>>يسموها كدبة بيضة
10- ماذا تفعل لو قال شخص أنة يكرهك؟
إبتعد وبهدوووووووووء << ماعاش الي يكرهني 
واحاول كمان اعرف السبب واحاول ارضيه ^_^
لنو ماحب احد يكرهني احب الجميع يعزني ويحبني
11- لو أنت مخير أن يكسر أحد الأمرين
(كرامتك) أو (قلبك) ماذا تختار؟؟؟
قلبي ينكسر, لكن كرآآمتي ابدآآآ 
12- لمن تهدي ثقتك؟
الي اعزهم من كل قلبي وأثق فيهم 
زي مثلا صاحبي >>مفرد مو جمع يعني مو اصحابي بس واحد وبس
وطبعا اهلي في البداية وبعدو صاحبي وبعدو ولا احد
13- هل تغفر لمن خانك أو كذب عليك ؟
صحيح اني قلت طيب واسامح الجميع لكلي شي
بس الخيياااااااااااااانة 
ما اسامحها لو اش ما يسير لو تنقلب الدنيا فوق تحت ما اسامح للي يخوونني
لنو غدربي وكلو الا الخيانة
لنو حتى لو رعنا لبعض وكلو انا جوت قلبي محا اطمن مررره تجاهها
ومريت بالتجربة دي للاسف وبادعي كلي يوم >>>عليها
هوا كده الطيب ياكل ع راسو دآآآآآآآآآآيما ^_^
......
اما بالنسبة للي يكدب عليا ع حسب الموقف واكيد حسامح
بس لازم من فتره اقعد فيها شوية كده وارتاح عشين انسى دا الشي ولو شوية ع الاقل 
14- ماهو شعارك في الحياة؟
الصراحة مره كتيره
اللي يشتريني اشتريه بعمري
طنش تعش تنتعش
وفي اشياء كتيره مره
بس مهي ع بالي للاسف
15- من الشخص الذي ممكن تضعف أمامة؟
مافي احد الى الان
16- من أكثر شخص يخاف عليك !وأكثر شخص تخاف منة؟
امي وابويا يسعدهم بس ويطوولي بعمرهم
مافي احد اخاف منو الا رب العباد ونعم بالله
17- مالشيء الذي يمكن أن يبكيك؟
لمن احطم بالمره طبعا
ولمن اشوف الابواب تتقفل قدامي
ولمن احد من احبابي واللي اعزهم يسرلهم شي خطير مره او الموت وكده
والخيانة كمان >>لني اخلصت وفي الاخير ولا شي
18- هل وجدت أحد قريب من شخصيتك في المنتدى؟
ماعتقد في احد قريب من شخصيتي
ولو في الله اعلم مين
19- لمن تقول "stop"وقًف مكانك؟
المزعج
اللي يهرج ع علان وفلان
اللي ما يحترمن خلاص ويبا يمشيني ع كيفو
هنا احلى استوب
واهمممممممممممممممم شي اللي يفكر يهرج ع ابويا وامي لوو مييييين كان
حهرج عليه باسلوب وما اخليه يفكر يعيدها
20- ماذا علمتك الحياة؟
علمتني كل شي
التفاؤل والامل والحزن والفرح والصداقة والخيانة
والرضا والصبر والحلم والضحك والصدق والكدب وعلمتني نظرة الناس كيف في كل شي
واشياء كتييييييييييييره
ماعدا شي واحد !!!!!!!!!
انو مافي صدق في الحب بين المحبين وكلو كدب في كدب >>علقو عليا ع كل شي ماعدا هادي بليز مابا احد يعلق فيها مره لنو انتو حتقولو كلام عن علمكم لهادا الشي
اماااا انا باقولو عن تجربة
^_^
وبس
