بسم الله الرحمن الرحيم
..
الحمدلله والصلاة والسلام على رسول الله وبعد ..
الجميع او الاغلب كان يسمع عن بنوك الاسئلة انها سهلة وبسيطة. لكن ياجماعة من خلال تجربتي صدقوني مذاكرتها كانت صحيح مريحة وسهلة لكن للأسف في الاخير راح تتعب!!!! ولمن تلتحق باي كلية تدرس علم الاحياء ومشتقاتها ،، للأسف
الشديد تلاقي نفسك منتا عارف اي حاجة وناسي كوووول المعلومات المتعلقة بالمادة،، وراح تضطر تضيع وقتك وجهدك وتقعد تراجع الاساسيات والمفاهيم والمصطلحات الاساسية اللي المفروض تتقنها في السنة التحضيرية !! وهادي
صدقوني مشكلة عويييييصة راح تتعبك في الكلية ،، الكثير من الطلاب من الأعوام السابقة حصلوا على الدرجات العالية بل والكاملة في الاحياء!! في اللي كان يذاكر بنوك الاسئلة وفي اللي كان يذاكر السلايدات !!! في طرق كثيرة للمذاكرة ,, لكن العبرة بالفائدة !! عشان كده يااحبابي
لاحد يزعل ويقوم يبطل مذاكرة او يصاب بالإحباط !! لأ أبدا!! اسحب نفس عمييييييق وابتسم وقول وقولي أنا قدّ التحدي دا واتوكل على الله وقول بسم الله وابدأ بالسلايدات لمن تغلق منها حاول لو تقوم بالاطلاع على بنك الاسئلة الجديد او حتى حق العام وراجع اسئلة السنة الماضية ، لانو غالبا تجي بنفس
الطريقة ، من وجهة نظري،
أفضل طريقة هي ،،، امسك كل سلايد خاص بالدرس وبعدها اقرا الاسئلة الخاصة بالدرس الموجود في بنك الاسئلة وكل درس بدي الطريقة عشان ترتب الافكار في عقلك ،وعشان كمانة تكوّن فكرة عن طريقة الاختبار.. وصدقوني بإذن الله الدرجات العالية أمامكم
بإذن الله ،، ولاتنسوا مفتاح النجاح التخطيط السليم والتنفيذ السريع وياجماعة ترى اول اختبار أهم اختباااااااااااار .
ولاحد يقول بكرة اسوي وكل يوم يقعد يأجّل اليييييييييين يلاقي الاختبار في وجهه !! لازم نستغل الوقت احسن استغلال ,, وضروري نرتب اوقات المذاكرة يعني قسّم المذاكرة يوميا في جميع المواد ,, وكل واحد والطريقة اللي تناسبو , والله أعلم
شدّوا حيلكم كوييييس والله يوفق الجميع لما يحب ويرضى وصلى الله على نبينا محمد وعلى آله وصحبه أجمعين والحمدلله رب العالمين
^ _ ^ .