مرحباااااااااااااا
انا كمان عندي بكرا اختبار ليفل 3
والله انا ماعندي معلومات كافيه بس بقولكم الي قالتو الدكتوره
اول شي هيا ماتعرف المواضيع الي حتجي لانها ماتشوفها غير بكره معانا
بعدين اعطتنا نصايح منها انو لازم تحاولو تتكلمو بطلاقه وثقة يعني لاتوقفو نص ساعه بين كل جمله والثانيه وتقولو اممم آآآآآآ
بعدين لو غلطتو في جملة مثلا قولتو she like pizza وحسيتو انو انتو قلتو خطأ عدلوها على طول وقولو she likes pizza يعني حسسوهم انكم عرفتو خطأكم مو تقولو خلاص راحت علينا
كمان تقريبا بيغو من 5 الى 7 جمل اعملوها زي كأنكم تكتبو براقراف يعني بين كل جمله والتانيه وقفو جزء من الثانية وابدأو الي بعدها وتجنبوووو استخدام and بكثره
يعني مو تقولو جمله and الجمله الثانيه لانكم كدا ربطتو الجملتين ببعض وصارت جمله وحده
كمان تقول اكذبو على كيفكم بس اهم شي جمله قرامرها صحيح يعني مثلا قالولكم اتكلمو عن شي ماتعرفو معلومات عنو مثلا مدينه معينه فقولو انو انتو زرتوها وانكم كل صيف تروحو والجو فيها كذا وكذا والناس تعاملهم كذا وكذا يعني الفوووو على كيفكم
برضو لو سؤال مثلا ايش رأيكم في متحف عمركم ماسمعتو عنو قولو I do not have information about it, but I think it is very important
وهكذا اطلقو العنان للتأليف
واهم شي تراعو زمن الافعال لو تكلمتو عن الماضي او المستقبل
وحبذا لو تختمو كلامكم بخاتمه حلوه مثلا نصيحه لو تتكلمو عن مدينة قولو انصح كل شخص مازارها يزورها وهكذا
لو تتكلمو عن فريند مثلا انا محظوظ لاني اعرفو وكذا
وبس يعني لاتخافو ولا تتوترو وخليكم واثقين واعتقد دي النصايح لكل الليفيلات والله يوفقكم كلكم وتاخذو فل مارك يااااااارب
