ياهلاااااا بك عزيزتي ..
بالنسبه للقياس .. مايصير تاخذينه وانت ِ ماخذيتي م . احصاء ، ولا احصاء نفسي ، لان هالمادتيين متطلبتين للقياس ..
وبالنسبه لـ م . علم النفس .. الماده جداً ممتعه وبوابة تعريفك بعلم النفس ولابه شي صعب بالدنيا مع المذاكرهـ ، واي وحده قالت لك انها صعبه هي ولا غيرها ، تأكدي انها ماتذاكر ، وشي طبيعي بتشوف كل شي صعب .. وانا اكلمك عن واقع خبرهـ وداريه ، وتأكدي اني ماانصح الا باللي يصب بمصلحة كل وحده تسألني ..
وماابيك من هالحين تقولين صعب ومدري وشوو .. انتي داخله علم النفس وتبين تبحرين داخلها وتعرفين مخارجها ومداخلها وشلون تتعاملين معها .. دخلتي علم النفس وقبلت ِ تحديها .. لذلك خلك عند طموحك .. ومعنوياتك إرفعيها ، ولاتردين على اي وحده تبي تثبط معنوياتك .. الحمد لله القسم جداً ممتع وحلو ، واللي تذاكر وتجتهد ماراح تنزل عن 4 ومافوق ..
حبيت اشحن همتك لاني لاحظت عليها الفتور ، وابي تبشرينا بنهاية هذا الترم بأفضل الدرجات وانا متأكدهـ انك قادرهـ عليها ^_^
نرجع لجدولك اقترح عليك ِ الآتي :
اللغه العربيه 2
ثقافه اسلاميه 2
م . علم النفس
م . احصاء نفسي
علم نفس النمو
الشباب وقيم المواطنه
بالنسبه لقائمة الاساتذهـ : ننتظرها ولاااستطيع ان ارشح لك اي استاذ/هـ لانهم يتغيرون كل فصل .
بالتوفيق ..