[حلم عمري]

سلام عليكم بنات

انا عندي بحث وتدريب زيكم مؤجل كنت اخذته الترم اللي فات وماخلصت منه

المهم بالنسبه لأماكن التدريب الترم اللي فات حضرت محاظره حق اعداد التقارير العلميه

وقالو انو على الترم هذا بيكونو متفقين مع اماكن معينه يرسلو عليهم بنات بحث وتدريب من الجامعه عشان يحلو مشكلة انو البنات مايلاقو اماكن للتدريب ولا لازم واسطه

المهم رحت اتاكدت يوم الأحد اذا طبقو دا الشيئ ولا لا للانتساب قال في للإنتساب وسجلت اسمي عندهم

عندهم 4 اماكن إما شركه او مستشفى او بنك او الغرفه التجاريه

هذا الكلام لبنات اداره واقتصاد كلهم

وفي الورقه نختار رغبه أولى وتانيه

واللي تبغى تروح لمكان من عندها تقدر برضو واللي ماتبغى تروح في الماكن اللي يحطوها في تقدر

بس دحين تسجيل اسماء بس مانقدر نتدرب من دحين لان دحين مشغولين بالإنتظام ولسا بنات الانتساب مااجتمعو مع استاذاتهم حتى

بالنسبه للي يقولو نقدر نختار الأستاذه بنات دوليه ولله روديدا هارون طيبه ماتقول شيئ لو اضفتو الماده من بدري في ورقة الحذف والإضافه اكتبولها الأستاذه اللي تبغو معاها وقولولها حاولي تحطينا معاها بتقول لا لاكن لو في مجال بتحطكم

صح بالنسبه للشركات اللي يودونا لها اللي عرفتو انها 4 شركات بس والله اعلم

دله < هادي في الصناعيه على كلامهم وبالبيد حق السيارات و2 مااذكر اسمائهم بالزبط