صدفه أشوفك بكامل حلاياك
بسمة تفتن وعيوني تداريك
أذكرك زين وأذكر سواياك
وأذكر بعد من كان غاويك
لاتبتسم لي أعرف نواياك
هذاك يوم فيه كنت شاريك
تذكر كلامي يوم أنا وإياك
في حلم الهوى وقلبي يناديك
ياما أتعبني الوله في ملاقاك
وتنام ليلك وأنا كنت ساريك
دارت الأيام لين جاك ما جاك
وتعتذر لي ماني بــ عافيك
حبيت بعدك ونسيت سلواك
لاني بـــ عاذرك ولا ني بـاغيك
كنا واليوم إنساني مثل ما أنساك
لا مبتسم لك ولاني مناديــــك