تعقيباً على كلامي وكلام الأخت سكون الورد
لولا ضعف الأنظمه في بلادنا مانعم الأجنبي بهذا الكم من الرفاهيه على حساب أبن الوطن
وكذلك أحب أوضح للأخت سكون الورد أنه ليس صيحيح الأجنبي أقل راتب من السعودي
في الشركات الأجنبي أفضل في الراتب وخصوصاً بعض الجنسات العربيه والأروبيه من أصول عربيه الذين لا يملكون مايميزهم عن أبن الوطن سوا بالجنسيه
رواتب خيالية وبدل سكن ودوام ومميزات أخرى
اما تحملهم للعمل ابن الوطن يضايقه العمل لفترتين في بعض الشركات لأنه في وسط مجتمعة ويفقد تواصله ومسؤولياته خصوصاً مع الأهل
أما الأجنبي فهو قادم أصلاً لتقبل العمل مهما كان وكلها سنين معينه ويغادر
لهذا يجب أن يراعى ابن الوطن في فترات الدوام خصوصاً الفترتين المتعبه المنهكه
تحيتي
|
اهلين دارس ..
بالنسبه لموضوع تدني الرواتب للأجانب .. انا تكلمت بصوره عامه .. وطبعاً هالعامه مستثنى منها الاجانب الغير عرب ، ومستثنى منها الاجانب العرب اللي شغالين بالجامعات والشركات الكبرى ، والاستشاريين من الاطباء ،، اما غير كذا ... جارتنا مصريه زوجها دكتور اسنان راتبه 6000 ريال !!! تخيل دكتور اسنان وراتبه كذا !!! طبعاً لانه غير سعودي فأنا ماشفت انه في مشكله !! ، بالعكس شفته انه شي جميل جداً لان لو بديرته زين لو طلع له شهرياً ثلاث ارباعهم !! وغيرهـ من الممرضين وأخصائي المختبرات .. وغيرهم وغيرهم
ورواتبهم بالقطاع الخاص (المشاريع الغير ضخمه).. متدنيه يعني ماهيبـ كبيرهـ مو مثل السعودي .. علشان كذا انا اقول انهم استغنوا عنا بالاجانب .. علشان رواتبهم اقل .. وطبعاُ مااقصد اللي شغالين بالشركات الكبرى زي ارامكو ولا ساسكو ... الخ ، وحده من البنات تقول بأحد المواضيع هنا ان الاجنبي يشتغل مع والدها بشركه معينه ويستلم 60.000 ريال !!!!!!!!!!!!!!!!!!
هالرقم كان صاعقه بالنسبه لي ؟؟؟ بالرغم من ان ولد الديره بحاجه ماااااااسه للوظيفه ، وشحوح الوظايف خلاهـ الحين جدير بالمسئوليه والعمل ويخاف ينفصل بأي لحظه ..
لان مو اي احد يتوظف الحين وظيفه سنعه !!
حبيت ابين مقصدي اخوي دارس ، ولاهنت
دمتم بود