السلام عليكم اخواتي المنتسبات
وعليكم السلام والرحمة والاكرام
عندي اسئله كتييييير إن شاء الله بس ماثقل عليكم بس انا ملخبطه و ضايعه وانتو الي رح تساعدوني إن شاء الله لكم الاجر
ولا يهمك نحنا لبعض اسالي ونحنا نساعدك ومايردك الا لسانك :)
اول شي انا طالبه مستوى 3 انجليزي
ابغى اقدم على اعفاء ممكن تدوني الرابط
والله ياعزيزتي انا ماقدمت على اعفاء من قبل ولا عندي علم اكيد بالاجراءات ولكن على حسب ماسمعت اظن تقدمي من الاودس وتأكدي من البنات
وبالنسبه للحذف ولاضافه انا ما اعرف المواد وعلى اي اساس ارتب جدولي لازم يكون حلو عشان ابغى احول انتظام السنه الجايه إن شاء الله
بالنسبة للحذف والاضافة في عندك ايقونة الحذف والاضافة اضغطي عليها وابدي نزلي المواد الي تبغيها في جدولك ولما تضغطي تنفيذ راح تضاف تلقائيا لجدولك الدراسي وطبعا لما تحذفي وتضيفي افتحي قائمة الشعب الدراسية على جنب واطلعي على الخطة الدراسية عشان تكوني ماشية عليها تمام
وبالنسبة لموادك بما انك مستوى ثالث فمواد التخصص راح تكون كالتالي :
ريدينق 1 >>الافضل تاخديه مع ميس الاء هي شرحها حلو بس انتبهي تراها دقيقة في التصحيح يعني فتحي مخك في المذاكرة
رايتينق 1 >>خديه مع ميس حنان الطرازي قمة في الاخلاق وتعطيك حقك
ليسننق 1 >>الافضل في هاي المادة هي ميس ريم السائحي تراعي البنات وخلوقة واسلوبها حلو
يبقى لك 3 مواد اذا كنت تبغي تاخدي 6 مواد في هاد الترم يصير تقدري تاخدي
فرنسي 1 >>مع ميس ميرفت
ثقافة 2
وخدي مادة الشباب وقيم المواطنة او مادة الفكر الفلسفي .
اجتهدي واشتري الكتب بدري وابدي ذاكري بدري لانو الدورة التاهيلية راح تتاخر وراح يكون بينها وبين الاختبارات فقط 3 اسابيع فالافضل انو تبدي الحين .اشتري الكتب وشوفي الروابط تبع مواضيع المستوى الثالث راح تلاقي فيها طريقة المذاكرة وملفات تفيدك في المذاكرة . ولاباس اذا حسيت ببعض الصعوبة في البداية ولكن شوي شوي راح تتعودي وتحسي انك ماشية حلوة . وباذن الله تجيبي معدل يحولك انتظام كما تتمني .
و البطاقه الجامعيه اظن لازم تتغير وكيف اغيرها ووبس
تقدري تغيريها من عمادة القبول والتسجيل المركز الشامل وترى يغيروها في دقايق وانت واقفة بس دوامهم ينتهي الساعة 12 تقريبا فروحي الصبح .