[منتظرة الفرج]

خلونا واقعيين << جاية تحطمكم فلا تبالوا

بس من جد الناس اول شي يختلفون في صبرهم وجلدهم وقوة عزيمتهم وهمتهم وظروفهم كذلك
فمثلا فيه مواد ما تحتاج مذاكرة طوال الترم زي مثلا سيرة نبوية ممكن اطلاع وقراءة المحاضرة تنفهم
طبعا اقولها كمادة حرة وفيه مواد مهما الواحد ذاكرها ما تثبت معه المعلومات
فالمادة لها دور وكذلك من يمسك المادة

الشئ الثاني اختلاف طبيعة الناس ممكن احيانا احد يقول طريقة شائعه للمذاكرة الصحيحة
بس لو حققت نجاح مع الكثير ممكن قلة ما تحقق معهم نجاح فقط تضيع اوقاتهم بالفاضي
وللأسف دائما بمجتمعنا القلة لا يعتد بها وبرأئها مع انها تشكل جزء لا بأس به

مثلا فيه ناس اذا ذاكروا اول بأول مايجي بعد 3 شهور الا والمعلومات تبخرت
وضاع مجهودهم وحرموا نفسهم من الراحة ويعيدونها من جديد (مذاكرة وليس مراجعه فقط )
واتمنى مااحد يقول ان المعلومات تثبت انا اشوف ما تثبت الا اذا كانت قراءة للفائده مو لاختبار
والفائده تكون بالعموميات مو حفظ صم كلمة كلمة حرف حرف صفحة صفحة

واذا ذاكروا قبل الاختبار بيومين جابوا درجة لان المعلومات توها فرش وهذا يعود لنفس الشخص
فيه ناس اذا استاذاتهم يختبرونهم باستمرار بعد كل باب تعتمد على مذاكرتها هذيك حتى لو كانت اي كلام ولا تركز بالنهائي
فتفشل لان الكويزات تختلف عن اختبار نهائي بطيبعة الحال
فيه ناس يملون ويصيبهم غثيان من تعدد الاختبارات << صرنا نكره القراءة الا النت طبعا




معليش داخلة غلط
بس كان قصدي من الحوسه اللي فوق كل واحده تشوف الطرق المناسبة لها
ولو فشلت لا سمح الله باختبار دوري مثلا لا تستلم وتوقف
ولا تعتقد ان المذاكرة بطريقة واحده كل شخص له ما يناسبه
اتمنى لكم التوفيق

وبس << بخرج والخجل يكسو ملامحي