رد: مين أفضل فى الرياضيات جمال السعدى ولا أشرف بركات ...
كل واحد وله أسلوبه ..
جمال السعدي يشرحلك بالتفصيل بأسلوب واضح وبسيط ويعطيك على قد المطلوب، وإذا جاك إختبار صعب "غالباً" إنك ما راح تجيب درجة عالية،،
أشرف بركات يناسب الطلاب اللي كانوا ممتازين في الثانوية في الرياضيات ويتذكرون بعض الحاجات، لأن شرحة ما أقول مختصر لكنه يتجنب شرح الحاجات البسيطة اللي "المفروض" انك تكون عارفها، لذلك اللي مستواه ما كان عالي راح يلاقي صعوبة فيه وأنا قد مرت علي كم مسألة جلست فيها نصف ساعة يمكن أجلس أفكر كيف حلها بذي الطريقة لين ما يطلع معي جواب وبالتالي ما أنسى الطريقة ^^"، ويجيب أمثلة سهله وصعبة، بعضها يمكن ما يجيك في الإختبار لكنه يخلي مستواك أعلى من مستوى الإختبار بحيث لو جاك اختبار صعب راح تقدر تتماشى معاه وتجيب درجة عالية، وينفع مع ملخصاته نوع الطلاب اللي يفهمون المعلومة عالطاير وبشكل سريع
واللي يقولك إن جمال السعدي يجيب أمثلة نماذج اختبار سابقة أقولك إن أشرف بركات أمثلته مقتبسة من إختبارات قديمة كذلك ~
عن نفسي كنت أشعر بملل شديييد وأنا أذاكر من جمال السعدي لأن كنت أحس انه مضيعة للوقت وأمثلته غالبها تافهة وسهله وما تحتاج إني أتدرب عليها حتى! لكن ما كذا كنت أجبر نفسي وأحلها من باب المراجعة، ولا استفدت منها شي، اشرف بركات كفّى ووفّى
الخيار يرجع لك،،
في دفعتنا الترم الأول كان منسق المادة سيئ جداً وكان يجيب اختبارات صعبة،، لكن في الترم الثاني تغير المنسق وصار "الدكتور خالد مرداد" فإن كان هو نفس المنسق فالحمدلله، الإختبار بإذن الله سهل جداً جداً
(هذا رأيي أنا، وليس بالضرورة أن يكون صحيحاً)
أسلوبي في الرياضيات كان: أذاكر من ملخص أشرف بركات أول ما نهي الفصل أروح لملخص جمال السعدي أحل الأمثلة بشكل سريع بدون الحاجة لرؤية الشرح إلا في حالة ما عرفت الحل، وبعدها أبدأ في الفصل اللي بعده من شرح أشرف بركات (مع العلم إني في البداية كنت أذاكر من جمال السعدي فقط بعدين غيرته قبل بداية الدوري الأول) وبعد ما أنهي المنهج المقرر للإختبار أروح للنماذج القديمة وأحلها، الأكيد إن هالطريقة تاخذ وقت طويل لكن لازم تذاكر قبل الإختبار بأسبوع كامل على الأقل إذا كنت تبغى تضمن الدرجة الكاملة والأفضل إنك تبدأ من قبل الإختبارات بأسبوعين وتخصص أسبوع للفيزيا وأسبوع للرياضيات، ومهارات الإتصال والحاسب تذاكرهم في ليلة الإختبار وتراجع في صباح الإختبار
بالتوفيق يارب ^^"
|