والله انا معاكم انو في شوية ضغط من الادارة .. او نقدر نقول .. شوية تشديد واحنا نبغا فلتة <<< شباب صاااايع يابااا هع هع
بس انا مع الاخ ناصر .. انو المنتدى أقسام .. ولازم العضو لمن يكتب مووضووع يختار القسم المناسب ...
يعني المقصود بكلمة ملتقى السنة التحضيرية على حد علمي .. انو تجمع لطلاب السنة التحضيرية حتى يتعاونو فيما بينهم على مايفيدهم في هذه السنة التحضيرية ..
اما لو يبغو يتونسو ويفرفشو .. اعتقد انو في اقسام مختصة بهدا الجزء من المواضيع !!
يعني لو تبغا تكتب موضوع مضحك .. ولا قصة محزنة .. ولا شي زي كدا .. ما يحتاج تحطها هنا في دا القسم ..
الا لو كان اسم المنتدى .. منتدى طلاب السنة التحضيرية .. فهادا يعني انو حط في اي مكان
لاكن دا منتدى عام للجامعة كلها ..
واذا تبغى تكتب موضوع لازم يكون في المكان المناسب لوه
اتمنى انو كلامي ما يزعل احد .. ويكون واضح .. لانو احيانا ابغا اقول كلام بس ما اعرف اوصلو << مشكلتو مع التعبير طوووول عمرو هع هع
بس انا بصراحة مع العضو ناصر بحذف الموضوع .. عشان مصلحة خوخا .. ولا كان دحين زمانها في جهنم بسبب الزنوب اللي كسبناها هيا !!
واعتقد كلام الاخ ناصر واااااااضح جدا لما قال
يا اخوان
لا احد يقول لي واللي حيصير لمهند يطبق عليا , والله لو إننا في الموساد الإسرائيلي
انا ابغى منكم تفهمو معنى تقسيم المنتدى إلى عدة اقسام
اذا كل مواضيعكم الرياضية والاخبار والألعاب والسواليف هنا
ايش فايدة باقي الأقسام ؟!
|
فعلا ً لازم نسوي توازن عشان نرتقي بمنتدانا .. عشان لمن يجي احد من برا يبغا يشوف المنتدى .. يلاقي كل موضوع في القسم المخصص .. مو فوضى ويقعد الواحد يحوص عشان يطلع موضوع !!
والسلام عليكم ورحمة الله وبركاته
اخوكم
بوووزي
مع حبي ،،،