[جيزان]

المشاركة الأصلية كتبت بواسطة رسام الجزيرة بسم الله الرحمن الرحيم بدأت تلك القصة الطويلة قصة العمر والمستقبل جاء ذالك السبت وبدأنا في لخبطة المباني والادوار بدأت الصورة تظهر لنا عن خلفية تلك القصة الجميلة بدأنا بذالك الدكتور الامريكي الذي لايجيد حرف عربيا واحد ومعه تقف القلوب خوفا احبتي الانجلش انا في ليفل 1 والدكتور يتكلم في مواضيع عامة عن الحياة لغتي ليست بالقوية إنما إقل من العادية افهم منه بعض الكلمات وليس كل مايتكلم هذا شئ طبيعي محاضرة الكيمياء اجيد فهم الدرس كاملة لكن مشكلتي في رموز الانجلش هذا شئ طبيعي ومع مرور الوقت سوف اجيد اللغة اما ماذا الحل يااخواني واخواتي حلولكم الحلوة في كل مواد خطة ب وكيف طريقة المذاكرة ابغا كل انسان يتكلم عن نفسوا وكيف عرف يطور نفسوا وكيف دخل طب بليز ودي لكم

هههههههههههههههههه انت احسن مني تفهم بعض الكلمات انا مااكنت افهم ولاكلمه ,,,,بس شوف نصيحه من اختك هالكلام انا كررته كثير الشي الي ضيعني وخسف معدلي كثييييييير هوا هالتفكير ,,, وانا بدأت من خطه أ وللأسف تخرجت من ثانويه فاشله في اللغه بس الحمدالله كانوا يهتمون في المواد العلميه ودخلت الجامعه وكان عندي حصيله كبيرة من الفزيياء والكييماء والرياضيات ,,, اهم شي انا الي نزلني كثير هوا اللغه وكان تفكيري اني انا فاشله في اللغه وكيف امشي والله محاضرة الانجلش ماافهم منها ولاكلمه ولاشي بس الحمدالله ليفل 2 بتلاقي نفسك تلقائيا تحسنت وتفهم مع الدتكور وكمان تتكلم مع الدتكور انجلش وراح تتذكر كلامي واتحداك اذا كنت انا احسن منك في اللغه ,,, بس الحين والله مررررررررررررة فرق صرت اعرف امسك كتاب انجلش واذاكر منه بدون ملخصات وبدون شي واعرف ايش المهم وايش الي مو مهم
انا مااابي اطول معاك وطول الوقت اكلمك عن نفسي
اهم شي دام انك ضعيف شوي في اللغه وانت خطه ب كمان
لازم تذاكر من الملخصات لانه الكتاب راح يكون شوي صعب عليك ولاتقولي مدرسين خصوصين الملخصات توفي كل شي
الكيمياء ذاكر من ملخصات يوسف زويل + النماذج الي فااتت محلوله بخط يده وكل شي والشرح مترجم عربي
الاحصاء ذاكر من ملخصات اشرف بركات + جمال السعدي + النماذج الي فاتت + انتوا الاولاد عندكم تست بانك لسعيد الغامدي مرررررة حلو وذاكر منه والكتاب كمان حلو انك ترجع له

الاحياء تست بانك نحفظه وتصمه وتجيب 100

الانجلش ليفل 1 اساسا ماعليه درجات يعني حتى لو تجيب 60 من 100 على حافه النجاح ماراد يدخل لك في المعدل ... ليفل 1 مثل الدورة لك استفيد منه كثير وشوف كيف الاسئله كيف الاسلوب وزي كذا
ليفل 2 ابدأ شد جيلك فيه وحاول تجيب درجات عااليه لانك خلاص بتكون عاااارف كل شي

اتمنى انك استفدت من كلامي
وعلى فكرة انا في خطه ب جبت معدل احلى من خطه أ بكثييييييييييير