[حيــث الهــدوء]

وعليكم السلام ورحمة الله وبركاته

اهلاً بك عزيزتي ,,

بالنسبه لي ..

اخذت الترم السابق علم نفس فسيولجي عند الدكتوره ماجده ( تعيد وتزيد على الاشياء المهممممه وتأشر معاك نقطه نقطه واللي مأشر يجي غالباً ) بالنسبه لأسئلة اختبارها كانت مابين السهوله والصعوبه ويحتاج لها تركيز .. ولكن السبب لا اتوقع من الدكتوره انما من المنهج لأن المنهج يحتاج طولة بال وتركيز

علم نفس الشخصيه / أخذتها من زمان عند استاذه لما حكاري .. بالنسبه لأسئلتها سهله وتسهل لك الماده في الشرح والماده اساساً سهله .. لكن لاحظت فيها شي ( لأني اخذت معها مادتين ) لا تحاولين تسألينها وقت الاختبار شي لأنها احياناً تجاوبك غلط .. وممكن تكونين حاله صح وتسألينها يا استاذه هذا صح ولا غلط تقولك غلط !! << لا تسأليني وش السبب ههههه نفسيه يمكن

علم نفس اجتماعي / دكتوره رضيه بلا مناااااافس .. وحتى لو كانت تدرس اي ماده انتي ماخذتها .. ادخلي شعبتها وانتي مغمضه .. دكتوره راااائعه بمعنى الكلمه اخلاق وعسل وطيبه وتراعي الله .. بالنسبه لأسئلتها بالنسبه لي ماحسيتها صعبه لكن البعض حس بصعوبه في حلها .. ولو أني اخذت عندها الحمد لله +a لكن مادري ليش ( بعضضض ) البنات عكو شوي

القياس النفسي / إن لمحتي اسم دكتوره ايمان الطباع برضه وانتي مغمضه .. شخصياً مادرست معها ابد لكن سمعتها تمشي قبلها .. ويكفي حضورها في قسمنا هنا وتنزيلها للمواضيع اللي تخص مادتها وتستفسر من البنات اذا عجبتهم الاسئله وحلو زين او لا .. يعني دكتوره اخلاااق وعسل والكل حابها .. انتي بس قولي ايمان الطباع لأي بنت درست عندها وشوفي وش ترد عليك

بالنسبه لسؤالك الاخير .. ما اخذت لا عند زيزي ولا الحارثي .. بس غالباً البنات يحبون ياخذون عند رجال لأنهم يتوصون فينا مو مثل الاستاذات .. وعموماً اسألي طلاب قسمنا يمكن يفيدونك اكثر

ــــــــــــــــــــــــــــــــ ,,

بس كنت بسألك انتي من وين عرفتي ان الدكتور فيصل الحارثي و دكتوره زيزي يدرسون الماده ؟؟ لأن قائمة اسماء الاستاذات لسى مانزلت !!

وموفقه يالغلا