[][صمت البوح][]

وصفحة 13 تعرفين الفرق بين انواع الدراسات الاحصائية اولا عندنا المشاهدة وبصفحة 14 عندنا النوع الثاني التجارب فرقي بينها بس كيف اعرف افرق بين التجارب والمشاهده ؟؟

قلبو الـ"observational study"
هذي تعتمد على المشاهده والباحث لا يتدخل او يعطي اوامر للمفردات
يعني فقط يشاهد لمدة محددة ويقول ماذا لاحظ
وهذا النوع مناسب للدراسات اللي الباحث ما يقدر يتحكم فيها مثل اضرار التدخين
الباحث هنا ما يقدر يجيب عدد من الناس ويجبرهم يدخنون عشان يسوي دراسته
لا بيراقب ويشوف التغيرات على الناس اللي من الاصل يدخنون فهمتي علي؟

اما الـ "experimental study"
هنا الباحث يتدخل وياخذ عينة يعطيهم اوامر محدده ويجري تجاربه عليهم

هذا الفرق بينها

وفي تحتها الـ"control group" والـ "treatment group" بعد بس افهميها وفرقي بينها مين هذول اول مره اسمع عنهم واش الفرق بينهم ؟؟

لا تخافين سهله

الـ"control group"
هذي المجموعة اللي ما يعطيها الباحث امر محدد
او انه يعطيها امر بس تكون متعوده على فعله يعني مو شئ جديد عليها

اما الـ "treatment group"
هذي المجموعة اللي يعطيها الباحث امر معين
وجديد عليها

مثال عليها
كان الباحث يجري دراسة انه مين راح يكون اكثر نشاطا بالطلاب
واخذ 10 طلاب وقال لهم اعملوا تمارين رياضيه كل صباح وحدد لهم عدد المرات
واخذ 10 طلاب اخرين وقال لهم اعلموا اللي تقدروا عليه يعني تركهم براحتهم يعملون او لا
وبعدها كمل دراسته وطلع النتائج
فالمجموعة الاولى راح تكون الـ "treatment group"
والمجموعة الثانيه راح تكون الـ"control group"

صفحة 15 اهم شئ فيها العامل المتداخل "confounding variable" اهم شئ تعرفين انه يؤثر على المتغير التابع ولا يؤثر على المتغير المستقل وفوقها تلقين"hawthorne effect" العامل النفسي برضه نفس السؤال كيف افرق بينهم (ماعندي غيره) ؟؟

ههههههه عادي اصلا الشبتر كله شغلة تفريق بين كل اثنين

العامل المتداخل "confounding variable"
هذا عامل جديد غير اخوانا في الله المتغير المستقل "independent" والمتغير التابع "dependent"
يعني عامل ثالث يدخل بالدراسة ويؤثر على نتائج التجربة فقط على المتغير التابع اما المستقل لا يتأثر به
مثال
دكتور يبي يجرب دواء ضغط جديد ويكون واحد منهم يشرب قهوة كثييير فطبيعي ان ضغطه بيكون مرتفع اكثر من غيره
هنا شرب القهوه نقول عنه عامل متداخل يؤثر على النتائج

اما العامل النفسي "hawthorne effect"
هذا ما اظنه مهم كثير لان الاستاذه بس كذا ذكرته بدون ما تركز عليه مثل غييره
لكن هذا عامل نفسي يعني حسب نفسية المفردة اللي داخله بالتجربه
مثال
لو قال دكتور للعدد من المرضى انا بجرب عليكم دواء جديد بشوف نتائجه افضل من القديم اولا
فهنا قد تتأثر نفسية احد المرضى ويتهأ انه ممكن يضر ممكن يأثر علي فهنا العامل النفسي يظهر وقد يؤثر بنتيجة الدراسه

اتمنى اني وصلت لك اللي ببالي وفهمتي علي