صبوحه
انا اخدت شكسبير مره حلو معاها اختباراها كانت 3
كل واحد منهم علي 10
درجات الأول كان عن حياة شكسبير هيا حتديكم شرائح بور بوينت بعد ما تشرحه طبعا
والأختبار التاني عن المسرحيه
الأولى والأختبار التالت عن المسرحيه التالته
وكل 3 الإختبارت اسئلتها مو صعبه حلو مستواها بس اذا شدتي حيلك تاخدي الفل مارك ان شالله وكله اجابات قصيره مو ايسي مع التركيز على بعض العبارات من قائلها ولمن وايش معناها
والباقي 30 درجه موزعه على واجبات كل كلاس حتديكم سؤال او سؤالين لازم الكلاس اللي بعده تسلمي مطبوع ومرتب وماتبى الإجابه من النت حاولي من نفسك تلخصي يعني وحاولي ماتفوتي تسليم ولا واجب لأنو مرره مهم
وكمان سوينا 2 برزينتشن من كل مسرحيه تختاري مقطع اما تقري او تحفظيه وهو الأفضل وتقومي تقوليه قدام البنات وهيا تحب مره تقوليه وانت حاسه فيه يعني عايشه الدور
اما الفاينل طبعا جابت اسئله وكل سؤال ايسي او براقراف على حسب ماتحدد ولاز تطلعي على مواقع وتقري كثير وعلى فكره في عندها مشاركه عليها درجات لازم تقري الفصل من المسرحيه وشرحه قبل الكلاس وكل كلاس شاركي معها حتديكي درجات
الكورس مره رائع معها وبصراحه المودرن انا دحين لسه حاخده هو و السمنار ماعندي عنهم فكره والله يوفقك والجمييييع