رد: كل من هو بالمستوى الثالث يدخل
هلا حبيبتي شوفي بالنسبه لقسم الانجلش صراحه ممتع وفيه تحدي لنفسك وقدراتك صح في صعوبه لكن على الاقل تحسي
انك تسوي شي جديد ومفيد مو تاخذي معلومات متكرره وبستقعدي تحفظي فيها وبعدين تنسيها قصدي طبعا على الاقسام الثانيه( رأي شخصي ولاحد يزعل)
بالفعل ماده الرايتيق صعبه لكن مومستحيل النجاح فيها بدليل انه في كذا طالبه عدوا الكورس ونجحوا وان شاءالله نكون منهم
وبالنسبة للاستاذات الصراحه كل وحده تختلف عن غيرها
انا اخذ استماع عند استاذه سهام فطاني وهي طيبه واسئلتها جدا جدا سهله وكلها من الكتاب لكن كلامها كثير ماشاءالله خخخخخ
اخذ رايتنق مع استاذه شادن برضو طيبه وبتحاول تساعدك قد ماتقدر بالبدايه ماحبيتها بس بعدين عرفت انها طيبه
اخذ قراءة مع استاذه ليلى هاشم والله هي فرفوشه لكن مانصحك تاخذي معاها الماده
اخذ مبادئ الاداره مع استاذه بدرية الجهني جدا رائعه هالانسانه وشرحها مرتب وواضح وتعطي بونس بس تهتم بالحضور والغياب جدا
اخذ فرنسي مع استاذه هبه ميرا الله يسعدها هالانسانه جدا طيبه وحبوبه وذوق وتحاول ترفع معنوياتك والماده معاها جدا سهله
وبالنهايه كل قسم اكيد فيه نوع من الصعوبه لكن بالمحاوله والمتابعه والتوكل على الله اولا واخيرا كل شي يتيسر بإذن الله
ولاتنسي اهميه الدعاء والاستغفار لهم دور كبير في تسهيل كل الامور موفقط الدراسه
وربي يوفقك ويسهل لك كل صعب ويوفقنا احنا كمان ونعدي السمستر بدرجات حلوة
|