[][صمت البوح][]

انا حبيت اعرف كيف ذاكرتو التشابتر الاول مرررررررررره صعب كله كلام و تعريفات واشياء لحد الان في قائمة الغير مذاكرة افيدوني بليز ؟....

عني انا الحين باقي لي في جزء بسيط

صفحة 3 تحفظينها تعريف الاحصاء وتعريف المتغير
وتحت تعريف المتغير في كم كلمة لازم تعرفينها اللي هي البيانات والمتغير العشوائي
وبصفحة 4
فوق تعريف الاحصاء الوصفي في تعريفات صغيره
للبيانات وقيم البيانات افهميها

ونجي للمهم وهو الاحصاء الوصفي والاحصاء الاستدلالي اهم شئ تفرقين بينها
واذا ما عرفتي في شرح في الصفحات السابقة لها

وبعدين عندك تعريف المجتمع والعينة


بصفحة 6 عندك انواع البيانات اعرفيها
واهم شئ تفرقين بين البيانات المتصلة"continuous"
والبيانات الغير متصلة"discrete"

وبصفحة 7 و 8
مستويات القياس وهذي بعد في شرح لها شرحته وحده من البنات في الصفحات السابقة
افهميها عشان تفرقين بينها


وبصفحة 9
طرق جمع البيانات "data collection"
اهم شغلة تعرفينها بكل هذاك الدش
انه هناك 3 طرق لجمع البيانات
1- طرق استطلاع الرأي "surveys"
أ- بالتلفون"telephone survey"
ب- الاستبيان "mailed questionnaire"
ج- المقابلة الشخصية "personal interviwe"
2-surveying records
يعني من خلال السجلات يجمع البيانات مثل سجلات الطلاب بالجامعة
او سجلات العوائل بالخدمة المدنية وعلى قياسها خذي امثلة
3- بالتجارب "expermental"


وبنهاية الصفحة وبصفحة 12
هذي طرق المعاينة العشوائيه وايضا تم شرحها مسبقا

وصفحة 13 تعرفين الفرق بين انواع الدراسات الاحصائية
اولا عندنا المشاهدة
وبصفحة 14 عندنا النوع الثاني التجارب فرقي بينها بس

وتحتها تلقين انواع المتغيرات
المتغير المستقل والمتغير التابع افهميها

وفي تحتها الـ"control group" والـ "treatment group"
بعد بس افهميها وفرقي بينها

صفحة 15 اهم شئ فيها العامل المتداخل "confounding variable"
اهم شئ تعرفين انه يؤثر على المتغير التابع ولا يؤثر على المتغير المستقل

وفوقها تلقين"hawthorne effect" العامل النفسي

وصفحة 17 و 18 اخطاء الاحصاء
وشرحناها من قبل

والحمد الله على السلامة

هذا ملخص سريع للاشياء اللي تذاكرينها بهالباب

يعني اكثر شئ بهالباب تفرقين بين كل شئ يشبه بعضه
لاتجلسين تصمين وتحفظين افهميها لانها تجي امثله وتختارين نوعها هي شو
مثل اسئلة اخر الباب

واذا في اي نقطة ما فهمتيها
اسألي والكل مو مقصر

اتمنى اني افدتك لو بقدر بسيط