[m.a.h-91]

المشاركة الأصلية كتبت بواسطة meedoo.2to السلام عليكم حادخل ف الموضوع ع طول والله حرام تفتحو فرع ف رابغ للجامعه لا وتنقلو الطلاب وتحولوهم من جده لهناك عسفان ومشينها لاكن رابغ يا ناس كتبت اسمي ف الورقة حقت تقديم طلبات السكن يمكن 4 صفحات دا يوم السبت واليوم الاحد اصحابي طلعو سجلو برضو ويقولو شي مو طبيعي زحمه يعني ابا افهم كيف تحولنا ع هناك وانتو ما عندكم سكن ومنتو موفرين والاسعار هناك عاليه غرفه و وشبه حمام وشبه مطبخ ب 10 الاف ف السنه طبعا الكهربا علينا المويه علينا المكيفات علينا الفرش علينا صرف صحي الله يكرمكم برضو علينا لا و1000 ريال المكافاه بالله دي 1000 ايش اسويبها ؟؟؟؟؟ يقولو يقولو ف محرم حيستلمو مباني جديده طب ال3 الشهور دي انا ايش اسوي فيها اشتري كراتين حمر واقعد امص فيها ؟؟؟؟؟؟؟ قمة التخلف للاسف ع عيني وراسي من فوق الفرع جديد بس من الاساس تحولوني انا وغيري من الطلاب من جده لهناك ع اي اساس يا بشر ؟ انا من مكه وشارد من جامعة ام القرى لسبب التخلف الي فيها اقوم اجي القا تخلف اكبر ؟؟؟؟ اذا كان ف جده وبالقوه جبت سكن لا وف نص الترم التاني جاني القبول بعد ما دفت 6 الاف ونص اجارات سكن عشان الدوام من 8 صباحا الين 4 العصر وساعه ف الخط روحه وزيها رجعه يعني 11 ساعه راحت من يومي متا انام متا اكل متا ازاكر وف النهايه ينتفو اهلي ف رابغ بدون توفير اي شي لا وادفع 75 ريال عشان افتح حساب عشان مافي ف رابغ سامبا اراجع الشون ف جده يقلي اسف مالنا دخل ما نتحمل اي مسوليه حتا بدون اسف اسف دي كتبتها من عندي طب مديني بطاقة سامبا لي مدام انتا فاتح ف رابغ ورابغ مافيها سامبا ولا فيها سكن ؟ اتمنى الموضوع ما ينحذف ولا يتقفل عشان نكون ع شفافيه تامه ويكون الموضوع واضح ليا ولجميع الطلاب سوا ف رابغ او ف اي مكان تاني

اعاننا واعانكم الله لكن يجب ان ننتظر ونتحمل لانشاء جامعة جديدة
وكما هو معروف كل شي عندما يكون تحت الانشاء صعب ان تجد فيه التنظيم والترتيب المتوفر في المنشآت القديمة :)

تحياتي لك