رد: مادةie200 - التيفوتي: تم تغير النظام واصبح الدوام يومياً!، دعوة للتجمع والاعتراض
ترى والله انو النظام الجديد افضل لك بكثيييييييييييييييييييييييييييييييييييييييييير
انا اقلك ليش
لانو المقيمين مررررره سيئين
يعني لما يكون في كلاس كلهم دوافير انجليزي وتروح تطالع في التقيمات حق البرزنتيشن-مثلا- تلاقي في اللي اخذ درجه عاليه وفي اللي اخذ درجه متوسطه وفي اللي اخذ درجه سيئه
ولما يكون في كلاس كلهم مايعرفو ايييي حاجه في الانجليزي -طالعين من المستوى الثاني بالمضاربه والواسطات و...- برضو تلاقي اللي اخذ درجه حلوه وتلاقي اللي اخذ درجه متوسطه وتلاقي اللي اخذ درجه سيئه. مع انو اححححححسن واحد من هذا الكلاس ما يجي ولا حاجه جنب اسوأ واحد في كلاس المستوى الثالث
السبب,لانو المقيم يجي يشوف احسن برزتيشن في الكلاس وبعدين يحكم على البقيه على اساسو
طبعا عشان اكون عادل, الكلام اللي انا قلتو صحيح على كللل المقيمين الا التيفوتي
صراحه التيفوتي يقيمك على حسب مجهوووودك يعني يديك حقك وزياده
السبب اللي مخلي المقيمين يسوو هذي الحركه لانو يخافو من التيفوتي, وعشان كذا لما يقيم تلاقيه ما يعطي الكل درجه عاليه حتى لو كانو يستحقو ولا يعطي الكل درجه سيئه حتى لو كانو يستحقو
اما التيفوتي مو خايف من احد ويقيم باللي يشوفو
لكن النظام الجديد حل هذي المشكله بكل بساطه وهذا النظام هوا اعدل شي لانو يبان الفرق بين السيء والممتاز وكل واحد ياخذ حقو.
|