[تفاحة بيتهم]

حبايبي انا اخدت مع استاذة مها الترم الي فات مره حبوبه وراقيه في تعاملها بس خليكي باحترامك لاتتمادي كثير
وسلسة من ناحية الحفظ لانه هوه كل محاضرة بتسمعي الجزء الي اخدتيه المحاضرة الي فاتت ومن ناحية الدروس مره سهله احكام النون والميم و6صفات من صفات الحروف واختباراتها مره سهلة لدرجة جابت سؤال ماكنا عارفينه واترجيناها لمن اعطتنا سؤال بونس وطلع السؤال تكتبي اواخر سورة تبارك اخر اربع ايات والحمدلله جبت معاها درجة مره حلوه وماتطلب تكاليف كثيره صراحه انصحكم بيها بس لازم تكوني كويسه شويتين في التجويد مو مره ميييييييح يعني اقلها احكام النون واحكام الميم والباقي يجي معاكي مع كثرة القراءة ويكفي انها قراااااااان وربي سهاااااااالة تدخلي القاعة وانتي مرييييييييحه من هموم الدراسة وعلى فكره كل الاختبارات الي بختبرها في القران دايما يكون معاها مشاريع وواجبات واختبارات واذاكر في الجامعة المهم انا بالنسبة لي المادة الحمدلله مررره اتسهلت معايا
وبالنسبة لأ.سارة روزي ماانصحك بيها دقيييييييقة في التجويد والحفظ مره ماارتحت لها صراحه من كلام بنات ثقة
واعطتهم اكثر من الي نحنا اخدناه مااعرف هوه اصلا كدا المنهج والا استاذتنا نحنا مخففه المنهج بس برضه حلو تستفيدي في قراءتك وتحسنيها يعني في كلتا الحالتين انتي المستفيده وفي الاخير اقلها تاخدي مادة تنفعك دنيا واخرة
وتقربك من ربك واخلصوا النية اولا واخير وبالتوفييييييييق حبايبي