[نــورهـ]

المشاركة الأصلية كتبت بواسطة sahar yanas كلنا نتشكرك يا د.نورة منجد انسانه رائعه وتحبي الخير للجميع الحمدلله ونصائحك ممتااااااازه ومبشرتني بالخير دحين حنطبقها واحد واحد وبطلب منك لو تقدري تحطيلنا رابط موضوعك الي حتفتحيه و الله يوفقك وينجحك ويقرب منك كل خير في حياتك العلميه والعمليه ...كما احببتي الخير لنا و كمان بسألك ..يقولو الي يضغط نفسو في المزاكره مثلا يزاكر الماده 2 مرتيتن في اليوم ومره قبل الاختبار ...رح تحصله لخبطه في المعلومات وينسى يحل بعض الاجوبه ..هل هذا صحيح ؟؟ 2-.. هل التحضير مهم ..لأني اشوفوا يدخل في البدايه معلومات غلط ؟؟ 3- مثلاً لمن اراجع كل درس اخدته في نفس اليوم... لازم اراجع كل دروس الاسبوع في آخر الاسبوع ؟؟ واشكر كل وحده ردت على الموضوع واتفاعلت معـاهـ

هلا بكـ ، بالعكس الرائع موضوعكـ و هذا يدل على اجتهادك و تفاؤلكـ و أعتذر منكـ مسكت الموضوع عنكـ ،،

أشكر لكـ إطرائكـ و دعـواتكـ ،، آآمين و لكـ بالمثــل ،،

بالنسبة للموضوع بيكون زيادة على الي كتبته اضافات بسيطة لكن مادام انكمـ مهتمين ببحث أكثر ان شاء الله و ازيد في الطرق ،،

إجابات أسئلتكـ :-

ج1- إجابتي لكـ هذا الموضوع يختلف من شخص لآخر يعني أعرف ناس ان خلص مذاكره ماعاد يفتح المادهـ مرهـ ثانيهـ و لا يراجع و ماشاء الله يكون متفوق و البعض الآخر لا حسب الشخص لكن مانقدر نعمم شوفي نفسك من أي نوع و اتبعي الطريقة الافضل .

ج2- اذا تبغي رأئي الشخصي التحضير مهم بس قراءة و ليس مذاكرة حتى اذا شرحت الدكتورة تكون افكاركـ مثل أفكارها و هذا بيبعد عنكـ التشتت و حتى لو جاكـِ سرحان و رجعتي بتلاقي نفسك معاها لانكـ قرأتي المعلومة قبل ، لكن ان كنتِ تشعري ان هذا يشوش عليك اتركي التحضير .

ج3- الافضل لا عشان ماتضغطي على نفسك و تحسي بضغط ، لكن إقرأي الملخصات ممكن قبل النوم او تحددي لنفسكـ ساعة للمراجعة ، أو يكون في يوم الترفيهـ ساعة بس لقراءة المنهج او قراءة الجزء الصعب من كل مادهـ مو شرط كل المادهـ انتِ شوفي ايش الماده الي تحتاج مراجعة .

أسأل الله لكـ التوفيق و التفوق و السداد و النجاح ،،

حياكـ ربي في أي وقت و حتى لو على الخاص بكون سعيدة بإستفساراتكـ ،،،