[شمس العالم]

شمس العالم نورتي تجمعناا ..
الله ينور عليكم

انت تخصصك مايكرو في الماجستير ؟
نعم مايكرو
اذا ايوه عندي اسئله محيرتني .. حياك

اذا تخصصت مايكرو من تجربتك اي تخصص دقيق افضل اني اختاره ؟!

ميولك اهم من راي غيرك .. لان كل احد تساليه حيشوف رغبته هو ايش مو رغبتك انت
و هيا كلها ثلاث تخصصات و احذف منها فيروسات لاني ماطيقها .. باقي بكتيريا وفطريات
بكتيريا مجالها اوسع و راح تحتاري في الرساله عن ايش تقدمي من كثر مافيها من مواضيع شيقة عيبها : كل طالبات ماجستير مايكرو يختاروا بكتيريا و صاير زحمة لدرجة مافي دكاترة مشرفات كافين لاعداد الطالبات .. بعض البنات صار لهم سنتين ثلاث ومو لاقيين مشرفه و جالسين انتظار ..
- فطريات : تخصص حلو ومجاله كمان واسع و لو انتي في السليمانية اختاري دكتورة فردوس وانتي مغمضة انسانه ثقة وعمليه ماشاء الله عليها .. كان نفسي اتخصصه بس لانو في دكتورة درستني في البكلوريوس وتدرس في الماستر و في حساسية بينا ومابدي احتك بيها و اخرب على نفسي .. لكنه مجال رائع خاصة انو مافي خرجات منه

مادتين الاحصاء والمواضيع الخاصه تقولي لها بحث هذا ضروري في المادتين ولا على حسب اسلوب الدكتوره؟؟
حسب الدكتور او الدكتورة طبعا
اللي قبلنا كان عندهم في الاحصاء واجبات لكن احنا سوينا أبحاث ..
واللي اعرفه انو الابحاث لابد منها لانو مايعرفوا فين يحطوا ال 100 درجة فبيخلوا على الاقل ربع الدرجة على بحث

ومتى اختار المشرفه ؟؟ في كذا موضوع في المنتدى اشوف ناس مستجدين ويتكلمو عن المشرف والمشرفه !

اذا كنتي عارفه ايش التخصص اللي تبغيه و تبي دكتورة معينة ممكن تروحي تكلميها من اول ترم و اذا وافقت على طول كلمي المسؤولة انو دي حتكون مشرفتك و المشرفه لازم تكون معاكي على الخط مو تقول لك طيب و تنسى و لا ماتهتم .. و افضل لو تكلمي مشرفة بنفسك عشان تطمني ..

وجزاك الله خير سواء عندك اجابات لاستفساراتي او لآ ,,

وياك يارب
//