رد: اسئله خاصه للمستجدات
هاااي صبايا انا من دفعة 10 وراح احكيكم شو صار معانا اول يوم
اول شي انا رحت تقريبا ع الساعه 8 طبعا تدخلوا من بوابه غربيه او شرقيه اللي يريحكم
المهم بنات التمريض توجهوا ع طول لمبناهم (8)
وبنات التقنية بجميع اقسامها لمبنى (12)
المهم لمن تدخلي مبنى 12 راح تلاقي ع طول في غرفة ع اليسار اللي هيا غرفة الشؤون التعليمية الخاصه بكليتنا هناك لو تبغوا تسألوا عن ي شئ راح تلاقوا الجواب ان شاء الله
المهم اصلا اول مادخلت المبنى كان في بنات كثير متجمعين جلست مع صحباتي هناك والا شويه جات أ/سراء وقالت يلا كلكم تعالوا معايا ودتنا كلاس كبييييير جلسنا فيه وشويه بدأ اليوم الارشادي تقريبا هيك ع 9 اذا مو غلطانه
المهم بعد ماخلصوا البرنامج لفلفونا ع اللابات حق كل الاقسام عشان نشوف كل شئ وبس
طبعا الاستماره بالنسبه لدفعتنا كانت موجوده ع موقع الكليه وكمان هما وزعوا للي تبغى تغير شئ او ماطبعت وراح يستلموها منكم في نفس البرنامج او في الغرفه اللي تحت حق الشؤون طبعا كانوا محددين لنا وقت لاخر موعد للتسليم
وبالنسبه للبس عاااادي تلبسوا بنطلون وعليه لاب كوت اوتجلسوا بالعبايه انا عن نفسي جلست بالعبايه
المهم خلص اليوم الاول ع هيك انه بس نسلم الرغبات اليوم الثاني ماافتكر انه طلعت النتائج بس قالوا لنا تعالوا
وجلسوا يقولوا لنا القوانين ع اللبس وهيك وكل شئ عن الكلية وخلصنا بدري بعدين رحت انا وصحبااتي ع الشطر في نفس اليوم ورحنا غيرنا البطاقه "لمن تروحوا تغيروا راح يقولوا لكم مو الحين وهيك بس قولوا لهم احنا في كليه صحيه ومايمدينا نجي ثاني هنا وراح ياخذوا بطايقكم ويغيروها اصلا ماتاخذ وقت "افتكر انا انه ع الاثنين علقوا النتايج تحت عند الشؤون وبعدين كل قسم اتجه لكلاسه راح يقولوا لكم طبعا الكلاسات
اممم وبس
سوررري قرقرت عليكم:$
بس حاسه فيكم والله لانه في يوم كنا زيكم ونتمنى احد يشرحلنا ^^
|