[إنسان رايق]

أسعد الله صباحكم جميعاً
معذرةَ على التأخير والمعذره اني مارديت عليكم بس صار لي ضرف بعدني عن كل شي المهم
مثل ماوعدتكم يوم الاثنين اللي راح راجعت مقر هيئة التخصصات بجدة وسألت عن تصنيف البرنامج من عدمه وافادني الموظف بأنه لم يصنف الى الان ولمن سألت ايش الاسباب عدم تصنيفه رد عليه مين انته حتى تسأل ومين تمثل حتى أجاوبك قلت له انا طالب وأمثل شريحة الطلاب ومن حقي اني اعرف وضع التخصص هذا لأني انا المتضرر او المستفيد في الأخير من قررات الهيئه قالي معاك تفويض من الجامعه او انك مفوض باسم الجامعه عشان تتكلم في موضوع مثل هذا طبعا شخص زي كذا صعب انك تتفاهم معاه طبعاً طفشت منه ورحت لواحد ثاني طبعاً نفس الكلام بس في الاخير توصلت انه اخر خطاب موجه او مرسل من الجامعه بتاريخ 4/7/1432 هــ ومجمل الكلام اللي في الخطاب انه فيه لجنتين طلعت للجامعه وقررت ان البرنامج أكاديمي وليس صحي وقالي بنفس الصيغه هذي البرنامج للتدريس فقط
طبعا قلت له احنا اللحين نبغى نخلي البرنامج صحي وأكاديمي في نفس الوقت ايش توصيات الهيئه على ذلك قالي مو موضح شي في الخطابات اللي قدامي بس اذا غيرت الجامعه وضعها او غيرت في البرنامج احنا ماعندنا مشكله بنصنف البرنامج ومارضي يعطيني اي معلومه ثانيه من ناحية الملاحظات او التوصيات يقول مو من حقك تعرف ومو انت اللي تراجع الهيئه جامعتك هيه اللي تراجع او انها تعطيك تفويض بذلك طبعاً انا ما اكتفيت بهذا الرد انا ماعجبني ردهم لانه مافيه شي مقنع حتى لدرجة اني قلت لهم ايش التوصيات والملاحظات اللي على البرنامج اعطوني اياها واحنا بنعرضها عالجامعه وبنحاول نقرب وجهات النظر مابين الهيئه وبين الجامعه بس للأسف كأني اطلب المستحيل وكان فيه دكتور او مسؤول كبير هناك يأشر لي بيده يقول الهيئه والجامعه ويسوي بيده اكس يعني بالعربي بينهم مشاكل وامور شخصيه قلت له طيب ايش دخلنا احنا كطلاب قال في كل مكان كذا حتى يمكن في عملك زي كذا بعد كذا طلعت لمكتب الدكتور سامي فلمبان مدير الفرع وقابلني السكرتير وانواع التصريف بعد كذا طفشت ورحت الجامعه رحت مبنى 8 ولقيت موظف واحد بالدور الثاني وقالي مامعاك الا يوم السبت الجاي اذا تبغى تقابل احد ولا روح مبنى 1 طبعا مبنى واحد اللي هوه فيه عميد كلية الطب اللي كلمته المره اللي راحت ووعدني بعد العيد بتطلع لجنة طبعا تمنيت انه فيه احد جاء معايه عشان نقدر نوصل لحل لانه اثنين احسن من واحد وثلاثه بعد احسن من اثنين ويد الله مع الجماعه مثل ماقالت اختنا خجل بس حسيت انه مافيه احد يهمه الموضوع او انه مافيه احد يبغى يتعب والله انا قاطع مسافه اكثر من 500 كم وغبار وقرف وكمان اجار عشان اراجع وكمان ماخذ اجازة اظطراري من عملي وانتوا في جده ولا حد كلف على نفسه بساعه يستأذن من الدوام وويروح يشوف ايش اللي صاير اتمنى للجمع التوفيق والنجاح وياليت ياليت نتكاتف ونجتمع ونحدد المسؤوليات بيننا ونعمل كفريق واحد احسن
والله يوفقكم ويسعدكم دنيا واخره ....