[amooonaa]

بصراحة الموضوع جدا حساس

بالنسبه لنا احنا طالبات سكن الفرع ابدأو احسبو معايا

السكن مافي اي كاماليات غير السرير والدولاب

مع العلم انو بابا متقاعد والي يقدر يعطيني هو 250 بالشهر مع انها تروح تسديد ديون

من الضروريات كانت - غساله - تلاجه - توستر - غلايه - وغلايه تانيه عشان اطبخ فيها

اكل ( يا من مطعم وادفع علي زياده ريالين يامعلبات او اندومي ) وبكدا اغلى من حاجيات الطبخ - شرب ( مويه لأنو السكن مويتو بني من الصدا ) - ادوات نضافه - ادوات نضافه شخصيه
طبعا دي لازم نجيبها على دخلتنا يعني كراتين لأنو مانقدر نروح نجيب تاني غيرها بتكلف تقريبا 350 او 400 من دون طبعا مااشتري اي حاجه للتسليه زي اي شوكلاته

حتى سواقين مافي يجيبو احيتاجاتنا عشان لا تقولو قسمي الاغراض على كم شهر

كتب الي ماتقل عن 300

اكل من الكافتريا غدا بس مايقل 15 او 20 هادي وجبه بس

وطبعا شحن جوال مايقل عن 50 ريال في الشهر وشحن كنكت عشان واجبات الجامعه مايقل عن 100

وان كان على التخفيض فلا تنسو انو سكن البنات ممنوع تطلع بدون ولي امرها احسبو معايا

تذكره لأخويا روحه رجعه من المدينه لجده عشان يجي يرجعني في الاجازات وتذكره تانيه روحه رجعه عشان يطلعني بعد الاجازه

وتذكره ليا روحه مع بداية الاجازه ورجعه بعد بدايتها

ولاتنسو فلوس التكاسي الي المشوار مايقل عن 50

ملابس احتياجات

ولاتنسو تأثيت الغرفه من ممخده ولحاف ومكانس وشوفو اذا نسيت شي


الي يشوف دا الحال ويعيش في ويتعايش معا مايقول في اي ظلم للي عايش بين اهلو مابيدفع او يدين لأنو انا من ناحيتي بنت استحي اطلب اكتر من المصروف الي مخصص ليا

واغلب الوقت 250 مصروف مااشوفها ابدا اقسط فيها لتسديد الديون

الزياده حتساعد كتير بس ماتخلي الناس يسيبو الراحه واليسر ويجو بين ناس استغلاليه ماترحم عشان مكافأه

وان كان على الوظايف الولد ممكن يطلع برة السكن يلاقي وظيفه والبنت في الفرع الرئيسي ممكن تلاقي

اما في الفروع الي زي ايش الحل