السسلام عليكم ..
كيف حالكم جميعا ..
انا حابه اقول شغله !!
يالنسبه لمعدلي اللي نزل فجااه بعد تحديث الاودس وسالت كتتتير و محد جاوبني
لمن فتح الحذف و الاضافه لقيت مادة comm102 وشفت في الخطه فطلعتلي مادة تنمية التفكير والعلم ..
بحثت وعرفت انو هيا مادة تنميه مهارات التفكير ELS ومادة مهارات البحث العلمي EERQ جمعوها مع بعض و الدفع اللي بعدنا دروسها كدا وسالت قالو صح !! دا اول شي
تاني شى حطوها بدل المادتين اللي درسناها في التحضيري في الخطه وحازفين المادتين من الخطه ..
بس لمن رحت على كشف الدرجات لقيت اللي درسناها في التحضيري موجوده بمعنى انو بعد التحديث ماانحسبت دي المادتين والمفروض يجمعوها ويعدلو رموزها عشان تنحسب ف المعدل النهائي ..
طبعن ازا كلامي خطا اقنعوني ليه ؟
واللي مو زيي ياريييييت تكتب هنا عشان نعرف انو المشكله مو عامه مع انو صحباتي زيي بس معدلهم مانزل ..
ودا الشئ مستحيل نسكت عنو لانو دا معدلك ومحد بيعبرك وليكي الاحقيه درجاتك وتعبك !!
لان الاخ مشآط بيقولي انو المعدل الموجود الان هو المعدل الصحيح .. كيف صحيح وهوا في يوم وليلة اتغير بدون سبب طيب ابى سبب بس !! لا اخدت صيفي ولا الدرجات اتغيرت ..
مع العلم انو كان 3,19 وسآر 3,14 لاتقولو مو كتير والله كتير ترا واصلن ظلم ..
حتركلكم المسآحه وبستنى الردود وبلزززز شيكوو على حسابكم اللي زي دفعتي والسبت كل وحده تقول لمشرفتها على دي المشكله بالزات اللي اخدو صيفي لانو حينقص وماحتنتبهو لانو اتغيرت الخطه واتحدثت درجات اللي ماخدين صيفي مع بعض في نفس اليوم ..
و ثآنكس
