 السلام عليكم ورحمة الله وبركاته
أنا رحت للمطابقة أول يوم ع الساعه 10 تقريبا كان زحمه والبنات ع قولكم واقفين عند الشباك
بالرغم إنها بالرقم .. بس شي غريب !!
ولما جا دوري كنت مجهزه أوراقي كلها بس بدون التوصيات
الموظفة أخدت مني صورة الوثيقة وكشف الدرجات ورجعت لي حسن السيرة قالت مو لازم
ورجعت كمان ورقة القبول الي طبعتها من الموقع
وطبعا أخدت الايصال وصورة الهوية وصورتين شخصية ووقعت ع التعهد وبسسسس
سألتها لازم توصيات قالت لا لأني أخدتها احتياط
بعدين رجعت أسألها عن البطاقة الجامعية قالت يمكن بعد أسبوع أو اثنين
أنا انصدمت قلتلها كيف يعني مافي دراسة سكتت قالت إلا في انتي تعالي بداية الأسبوع الجاي
طيب إذا هي ما عندها علم ليش تفتي يعني كويس مني ما اطمنت لكلامها حسيتها ملخبطة
ايوه كمان لما أخدت أوراقي قالتلي انتي قسم ايش قلتلها علم نفس
تخيلو الأخت سجلتني ماستر 
وبعدين لما عرفت إني دبلوم عام تحط الغلط عليا إنها سألت وأنا جاوبت غلط مع إني لما سألت عن التوصيه قلتلها دبلوم
وقلتلها لو طليتي في ورقة القبول إلي أعطيتك هيا كان شفتي اسم البرنامج
الحمدلله عدى الموضوع على خير
بس حبيت أنبهكم تراهم مو دارين عن شي يعني أتأكدو من كل خطوة
|
ههههههههههههههههههههههههه
من جد مضيعين شكلهم اول مرة يستقبلوا ملفات الطالبات مرررررررررررررررة ملخبطين