طريقة المذاكرة وتنظيم الوقت علی حسب ميولك والتزامتك
مافي ولا طريقة
ولك ترم كامل تذاكري وقت ماتبغي وتختمي وتراجعي قبل موعد الاختبار
وبالنسبة لموعد الدورة التأهيلية مانعرف بالزبط بس لما ينزل تقوم الانتساب تعرفي كل الاوقات والتواريخ سواء للدورة والا للاختبارات
ومدة الدورة التأهيلية 3 اسابيع للطالبات .. واسبوعين للطلاب
للطالبات تكون الدورة التأهيلية عن طريق النت (السنترا)
وانتي سوي بحث في المنتدی وحتلاقي مواضيع كثييير تتكلم عنو
والاختبارات حتكون في مقر الجامعة الرئيسي (السليمانية)
اما ايش احسن انتساب والا انتظام
انا بالنسبة ليا افضل الانتساب كثير
لانو طول السنة ماتتعبي لا واجبات ولا تحضير ولا اختبارات نصفية .. الدرجة كلهاحتكون علی الاختبار النهائي (100)
والتحويل للانتظام يكون لما تخلصي السنة وطبعا التحويل له شروط
وبالنسبة للتحويل انتظام لذي السنة مخلين التحويل لكلية الآداب فقط
وحتی لو تخصصتي في كلية الاقتصاد والادارة وقدمتي تحويل انتظام يحولوكي انتظام علی كلية الاداب وماتقدري تغيري تخصصك بعدين
حيبقی زي ماهوا
اما عن المواصلات
هوا اسبوع واحد بس اللي فيلو اختبارات .. يعني تقدري تدبري نفسك
اتمنی افدتك .. وعفوا زهورة بس لاني طفشانة رديت << عذر اقبح من ذنب
هع
.
.
.
بالتوفيق
تحيتي
^^