رد: محتاجه مساعدتكم في ذي المواد
غريبة ماسالتي الا عن اسهل مادتين
شوفي ياستي
بالنسبة للاحصاء اسهل منو مافي مادة جدا ظريفة ولزيزة بس يبغالها ماتفوتي ولا محاضرة واول باول تراجعي الي تاخديه عشان بس ماتنسي وكلها تعتمد عالفهم اكتر من الحفظ ولو انو في جزئية نظري بس سهلة برضو
ونصيحتي لاتستخدمي ملخصات مالخبطني غيرو صدقيني حتشتتك وتلخبط معلوماتك استخدميها في حالة وحدة لو بدك تحلي سكاشن الي هي تمارين الكتاب وطبعا انتي راح تشوفي الوضع وتحكمي
وبالنسبة للمدرسات انا كنت عند وحدة اسمها شفياء ومرة نايمة ما افهم منها صرت اخد محاضرات اكسترا عند استاذة نهلة عبد الجبار فظيعة بمعنى الكلمة الله يسعهدها وطبعا الناس مو زي بعض ولاتحطي براسك دي تفهم ولا لا لانو فعلا حتتعبي اهم شي ركزي في المادة وبراحتك اذا بدك تاخدي اكسترا
هدا بالنسبة للاحصاء وعلى فكرة نسيت اقول حاجة الاحصاء نسبة كبيرة جايبين فيه 100 يعني لاتشيلي هم
وندخل في الاحيااااء جدا تافه لانو فعلا ماحتتعبي ابدا الا في حالة انتي مو حقت حفظ الله يعينك وقتها شوفيلك دبرة
حيكون عبارة عن تست بانك 1,2,3 وكلها عبارة عن اسئلة اختيارية والحل موجود وفي كل دوري تست بانك واحد والفاينال اكيد كلو مرة ماتشيلي هم بس كل درس تاخديه ارجعي البيت زاكري عالاقل 5 اسئلة بس واستمري ليوم اختبار الدوري الاول حتكتشفي انك ذاكرتيه كلو ومن غير تعب اما حكاية تخزني ويوم الاختبار تزاكري نصيحة حتضيعي
وبالنسبة للحفظ لو انتي حفيظة موفقة واذا لا حاولي تربطي السؤال بالاجابة باي طريقة تعجبك ونصيحة انتي ترجمي بنفسك ولاتستني احد يترجملك او تاخدي التست بانك جاهز مترجم لانك في النهاية انتي بتستفيدي وكمان الاحياء اضمني فيها 100 ان شاء الله
لكن على ايامنا قالو انو بيغيرو التست بانك وراح يخلوكم تذاكرو من الكتاب او من تست بانك جديد هما حيسووه وراح يحطو 10 بونس لكن مدري هما كل سنة يغيرو كلامهم عموما خلوكم على نصايحنا واذا غيرو اكيد انتو شطااار وحتذاكرو الكتااااب >>>>ههههههههههه
بعرف طولت عليك >>>.هع
وبالتوفيق للجميع
|