ياريت يا اختي تعرفي وضع الكثير من بنات السعودية اللي يعانو ويشحتو حقوقهم وحتى بالشحت والذل ماتاخد حقوقها
شوفي ياعسل اذا انتي اي طلب تحتاجيه ..اي مكان تبي تروحيه..تمشية او بيت صحباتك
لكي كل الوسائل وكل شي تحت يدك عشان تروحي
طيب!!
في غيرك كتيــــــــــر ماعندها دي الاشياء..وكل اللي عندها اخ يذل اهلها عششان يوديها للمكان الفلاني..مع اغلب الاحيان انو يرفض ويقلها رايح مع اصحابي ولا رايح استراحة
حتى لووووو وداها المكان ......يلزمها تخرج الساعة الفلانية ويتصل كل شوية وانواع القرف
......................
وهي لاتملك الا انها تسكت وتدعي عليه وبالسيارة تسمع انواع من الكلام المقرف ليها ولخرجتها ولصحبتها ........عشان ماراح لاصحابو اليوم وما اتهنى بخرجتو مع اصحابو .......بسبب عزومة صحبتها
............لسا بتقولي ملكة واميرة؟؟
طيب ياستي نفرض البت دي ابوها سمحلها تخرج لوحدها مع تاكسي ..بدل ماتزعج اخوها وتنقرف من لسانو وذله
خرجت تدور على تاكسي
ياترا وهي واقفة بالشارع وتستنى تاكسي نص ساعة بالحر دا .
هل لسا حتقولي بنات السعودية مدللات؟؟
.طيب.. جاها كم تكسي ورفض يكون المشوار بي 30 او اقل ..يبغا مشوار الروحة بي 50
ورجعة 50
فا تضطر انها ياتدفعلو ..عشان خرجة وحدة 100 او انها ترفضو وتستنى بالشارع لسا على تاكسي يوافق لمبلغ اقل من 50
ـــــــــــ
ياريت نتفهم غيرنا ووضع غيرنا..والذل اللي يعانو منو بنات جنسنا بالسعودية
مو ..انا مرتاحة اي شي ابغاه خلاص الحمدلله مالي دخل بغيري كل واحد يشيل همو لوحدو
لو تفكري بدي الطريقة رح تشوفيها على نفسك
ماتدري اش يسير بالمستقبل وغيرك مايهتم لهمك وولمشكلتك ولا حتى يبغا يفكر بحجم الذل والانكسار اللي انتي فيه