شباب ابغا اعرف احسن دكاترة ادرسو دي المواد: ^_^
math 204
che 201 مقدمة في الهندسة الكيميائية
chem 202 كيمياء عامة 2
ie 255 الا قتصاد الهندسي
|
انا هذي المواد اخذتها الترم الاول من السنة اللي فاتت فكلامي حيكون حسب هذاك الوقت وما عندي علم اذا تغير شي
بالنسبة لـ math 204 انا اخذتها عند دكتور مصري اسمو اشرف زنقور صراحة كان شرييح ودفترو يكفيك تذاكر منو
اما che 201 هوا دكتور واحد اللي يمسكها كل ترم .. الترم الاول كان دكتور سعد الشهراني هوا اللي ماسكها شرحو مو مرا تماام لكن يمشي والاسئلة كانت على مستوى الشرح .. والترم الثاني سمعت انو درسها دكتور احمد الشاذلي انا اخذت عندو ثيرمو ون الدكتور شرحو تماااام والاسئلة يجيبها زي الامثلة اللي يحلها او زي الواجبات والكل يمدحو بس انا احس انو اختباراتو احيانا تكون صعبة لكن اذا شاف الشباب درجاتهم سيئة يرفعهم اذكر الترم اللي فات زود الين عشر درجاات
وبالنسبة لـ chem 202 في دكتور اسمو مختار هوا كان المنسق وشرحو كاان تمام حضرتلو كم محاضرة لكن انا اخذتها عند دكتور باسهل في المسائل كان شريييح لكن في المفاهيم مو مرا والمادة بشكل عام تعتبر سهلة
اتمنى اني افتدك وما طولت عليييك
وكل عااام والجمييع بخير