[الدُنيا مدرسة]

صبـــــــــــــاحكم رضـآ ياآ رب .~

أشكر كل اللي مروا ع الموضوع واللي ردوا يعطيكم العــآفية..
لكن طرح الموضوع كان بهدف إننا نسوي شي للآباءنا وأمهاتنا في العيد ..
يعني كل واحد يكتب ايش راح يسوي من أجلهم
أنا عارفة انو احنا ما نسيناهم وأكيد هما أساس العيد
بس نبغى أفكـــــــآر مثلا وأشياء نسويا لهم في العيد ^_^

أبا ببدأ بنفسي وإن شاء الله تكملوا الموضوع على هذا المنوآل ^_*

أول من بدأ يهدي لأمي وأبوي هذا العيد أخويا الله يحفظه
اشترى لأمي أنواع بخور من اللي تفضلها في المناسبات
واشترى لأبويا ثوب وطلب منه يلبسه في العيد
أختي برضو اشترت لأمي بخور وكمان حاجات ثانية والله ما انتبهت لها لأنو اليوم جابتها :)
أنا عني بصراحة لسه ماسويت شيء
أخواني المتزوجين برضو كل واحد مشتري حاجه وهذي دائما يسووها ماشاء الله بس للآن ماقدموها <- نفسي أعرف اش هداياهم
مممم وبس

بالنسبة للشبــآاب أتوقع غير الهدايا يقدروا يسووا أشياء كثير
مثلا لو يخصص يوم من أيام العيد ويتفرغ لأمـة إما يطلعها مطعم اذا تحب أو طلعه ع البحر أو لو يوديها بنفسه إذا يتزور صحباتها وأقاربها ونفس الشيء يسويه لأبوه
والله بينبسطوا مرررا
أنا عارفه إنو فيه شباب يسوونها ماشاء الله بس برضو فيه شباب العيد عندهم مع أصحابهم
وإذا جينا نتكلم عن المتزوجين.. أكيد بتطلع زوجتك وأولادك.. فلآا تنسى أمك الله يرضى عليك< وأخواتك كمان
والبناااات.. ممم مثلا لو تجهزي حلويات للعيد في البيت يكون من شغلك
وتقدمينه بطريقة حلوة وتقولي لأمك هذي علشانك يا أمي وتساهلي ووومن هذا الكلام~ ^_^


يعني~ هذي بعض أفكاري وبانتظار أفكاركم

وأشكركم مرا ثانية ..

^__^