[مطلع الفجر]

المشاركة الأصلية كتبت بواسطة كيميائية العام كل عام وأنتم بخير أنا ناوية أقدم على وظيفة معيدة بكلية العلوم للبنات بس عندي سؤال؟ هل صحيح اانة اذا قدم على الوظيفة من يدرس ماجستير يفضل على حديث التخرج حتى لو كان حديث التخرج معدلو أعلى؟ وبالنسبة للدوات مقدور عليها أما الخبرات من فين نجيبها واحنا متخريجين هذا العام؟ وعلى حسب موقع الجامعة يفضل حديث التخرج للوظائف

أهلاً وأنتِ بخير والجميع

فرق بين اللي يدرس ماجستير وبين اللي خلاص عنده ماجستير ، فأتوقع مايعتبروها أفضل من اللي لسا ماتدرس خاصة زي ماقلتي إنها حديثة التخرج فتعتبر لسا بكالوريس مثلها مثلك بس ممكن والله أعلم يعطوها نقطة في المفاضلة إذا كانت تدرس لكن ماعتقد ، أما اللي عندها ماستر خلاص أكيد طبعاً لها نقطتين أو نقطة في المفاضلة زيادة .

وترى المعدل عليه 70 % في المفاضلة صح لكن مايفرق كثير في نقاط المفاضلة بالدرجات يعني مثلاً اللي جايبة 4،9 واللي جايبة 4،5 بينهم بس 4 درجات بمعادلة معينة عندهم يحسبوها..ولما ماتنقبل اللي معدلها مرة عالي تقول واسطة كيف انقبلت اللي معدلها أقل مني بكثير!! مو كل شيء واسطة وماننكر وجودها..بس ممكن اللي أقل منك عندها اللي أشطر منك فيه كثير ، والمقابلة الشخصية مرررة تفرق فاللجنة لسا بيدها 20 % غير درجة 70% للمعدل و 10 % الخاصة بدرجة التوفل أو ستيب هذا الكلام اللي أقوله واقعي مو وجهة نظر ليه ، ورزق ربي وتسخيره الاسباب اللي تيسر لك الوظيفة اذا مكتوبة لك ِ فوق كل شيء .

بالنسبة للخبرة في التخصص تعتبر شيء زايد تاخذي عليه نقطة أو نقطتين زيادة في المفاضلة مو شرط لازم وقت التقديم ..واكيد اللي دوبها متخرجة ماحيكون عندها خبرة وهما عارفين هذا الشيء .

أهم شيء عندهم الشروط اللي يتم الإعلان عنها للوظيفة تكون متوفرة عندك عشان تدخلي المقابلة الشخصية والمفاضلة ، وبعدين هما يجمعوا نقاط المفاضلة لكل متقدمة بعد ماتنتهي المقابلة حسب بنود عندهم موزعين عليها الدرجات من 100 ، واللي تجيب أعلى نقاط في المفاضلة من 100 هي المرشحة المقبولة الأولى ثم اللي تليها إذا كانوا طالبين أكثر من معيدة .

وحديث التخرج مو يعني لازم اللي دوبها متخرجة هذي السنة ، قصدهم ماتكون متخرجة من سنوات طويلة.. بس مو يعني ماتدخل المقابلة الا اذا حاطين شرط وقت الاعلان محددين فيه سنة التخرج .

وبالتوفيق ودعواااتكم لي